حواء...... و السينما..... السلام عليكم و رحمة بسم الله الرحمن الرحيم والصلاة والسلام على اشرف خلق الله سيدنا محمد وعلى آله وصحبه أجميعن ... اما بعد شو رايكم يا جماعة الخير في ذهاب البنت للسينما ... ظاهرة سلبية ام إيجابية ... ويلا نبدأ نتكلم في الموضوع بسم الله البنت لما تسير السينما تدخل من الباب قبل ماتقطع تذكره يمكن تسمع رمسه من هذا و تسمع رقم من هذا يعني مثل مايقولون All Eyes On her المهم تدخل السينما في مكان مظلم اللهم نور خفيف من الشاشه كرسيها وين يكون لو ماشي مكان لازم اتمر من بين كذا ناس قاعدين عسب توصل لكرسيها .. تمر من بين الناس وعادي تدعم خلق الله ولو دعمت ولد يا سلام ... بتكون أحلى دعمه من حقه الولد يستانس وين يحصل له بنيه تدعمه وبعدين ست الحسن والدلال تبي تقعد وتهمس في خاطرها يا ترى من الي بيكون عندي ان شاء الله واحد مأدب و مايتحرش ان شاء الله و ان شاء الله .......... يبدء الفلم و الكل ساكت .. افلام فيها شوي مصاخه مثل منقول .. ابي اعرف شو بيكون موقف البنت راح تطالع ولا راح تنزل راسها المهم شو راح تسوي ؟؟!!! يخلص الفلم و الزحمه تبدء في الطلعه .. اوكي تصبر لين ماتخف .. ماعليه خفت الزحمه ..... بس بذكرج انه في ناس يتريون طلعتج شو السبب الي يخليج تروحين السينما ... اريد سبب مقنع وشيء يدخل العقل لا تقولين الملل .. وقت الفراغ .. ربيعتي تروح ... عصر التكنولجيا والأنترنت ... فلم يديد ... الخ يمكن وحده تقول والله انا يسير السينما بس مع امي اذا بتقولين مع امج ...... !! امج على نياتها ولا عندها خبر بسوالف البلوتوث او موظة الترقيم اليديده .....................:9: اسير في أيام مافيها زحمه .... !! غيرج بيقول هالكلام بعد ............ انا واثقه من نفسي .... !! امحق ثقه ^_^ .. ........... اسير مع زوجي (ريلي) .. !! كلام حلو و يدخل المخ لأنه الريل يعرف يتصرف و عنده غيره والله في شباب هالايام عادي عندهم اللي يودي اخته وحرمته وين راح المنقود والمستحى .. كيف انت ترضى على حرمتك واختك يشوفون عورة الغير وانت اتشوف وياهم عوره فلان وعلان وين الغيرة على العرض ...... :mad: و الله وانا متاكد 100% انه بعضكم بيقرون الموضوع وبيقولون عني متخلف انا مايهمني شو تقول الناس عني لاكن فكرو في كلامي الي قلته شويه و خلاف بتعرفون منو المتخلف :m_z3lan: بنتظار ردودكم:84::84: |
انا بصراحة سيرة البنات والحريم للسينما مادخلت عقلي يالله بالستر ، الله يهديهن ان شالله اما بخصوص البلوتوث ياخوي ها فكل مكان هب بس فالسينما يعني لو حتى تسير مطعم ولا جمعيات الأهم مراقبة وضبط النفس شاكر لك موضوعك الطيب ياخوية وغيرتك ع خواتك البنات وان شالله البنات يقدرن الرمسة والنصيحة اخوكم / النعيمي |
اقتباس:
تسلم اخوي عل مرور الطيب :5: |
اشكرك اخوي ولد المزاريع على جرأتك في طرح الموضوع أنا من وجهة نظري انه السينما ما تصلح للبنت,, ليش يعني اتروح السنما وتعرض نفسها لمواقف لا تحسد عليها والله هالأيام الشباب ما يصدقون يلمحون الأسود إلا بدوا يطفرونها ويسون حركاتهم البايخه ,, ولو كانت البنت حشيم الا ما يسمعونها كم تعليق منهم وعاده هم ما يصدقون يبونها من الله (( مش الكل طبعا بس الأغلبيه العظمى )) وبعدين هيه كيف بتشوف الفلم ليكون بتم حاطه الغشوة على ويها وبطالع ؟؟ انا من رايي اذا في خاطرها اتشوف فلم تشتري الفلم اللي تبى اتشوفه واتشوفه في بيتهم ,, وتبند الليتات (( علشان اتعيش الجو على اصوله )) |
اقتباس:
هههههههه صدقج و الله تشتري فلم و تبند الليتات و تعيش الفلم على اصوله تسلمين ختيه على مرورج الطيب:77: |
الساعة الآن 05:18 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir