منتدى استراحات زايد - نصيحه من تجربه

اخواني اخواتي
اعضاء منتدى استراحات زايد
من منا ما زعل في يوم من شخص يعزه ويغليه
فيه حد؟
طبعاا لا ماكو
والزعل شيء مب حلو
وعشان جي
انا حبيت اقول لكم بعض النصائح
عساكم تستفيدون منها
ويقل زعلكم

ان صار وزعلت من شخص
على طول فكر
فيه شيء يبين ان هالشخص يحبك
ان كان فيه
فكن على ثقه
اللي يحب عمره ما يكره

لا تتخذ اي قرار وانت زعلان
لانها بتكون خطأ وفي الاخير بتخليك تندم

فكر فيه حد يستفيد من زعللك ويا هالشخص
او غرضه يفرقكم
فلا تعطيه اللي يباه
وقوي علاقتك بالشخص الثاني

حط في بالك
ان الحياه مره وحده
فلا تخسر من تحب

وفي الاخير راح اقول لكم قصه قصيره
فيه اثنين اصدقاء من يوم هم في رابع ابتدائي وعمرهم ماتفارقوا كبروا مع بعض عاشو كل حياتهم مع بعض
صار مره بينهم خلاف تافه وزعلوا من بعض
وكل مايبون يتصالحون ايي الشيطان ويفرقهم
فيه يوم قرر واحد منهم واهو طبعاا الزعلان انه راح يسامح الثاني اذا جاء واعتذر
وسبحان الله الثاني كان يايه يعتذر
توقعوا شو صار
اتصل اخو الثاني على الاول اللي هو الزعلان
وقال له
البقيه في حياتك فلان مات وهو ياي لك عسب يراضيك صار عليه حادث
تبي تيي تسلم عليه قبل ما ندفنه نحن في المغسله
الاول انصدم وظل حياته كلها ندمان

هذي نتيجه الزعل
فاتمنى من كل قراء الموضوع
يروحون يراضون كل الزعلانين منهم
وعسى ما يجي في حياتكم ابد زعل

ودمتم
اختكم جميعاا
Al Hoob