منتدى استراحات زايد - مشكلة الحرارة... 6 سلندر

السلام عليكم
أخوكم عايش في دولة غريبة وبعيدة (استراليا)
ومعي كامري 95
6 سلندر وماشية معي زي العسل
الا انني كنت انسا ما اشيك على مويه الراديتر
ففي احد الايام شفت الحرارة طلعت عن النص والمراوح اشتغلت
مباشرة لبقت السيارة على جنب وتركتها 4 ساعات
ثم رجعت وشفت الا ما فيه موية بالرديتر
عموما الحرارة ما وصلت الاتش ولا حولها
مشيت والامور تمام
ثم تفاجأت انه لما اوقف السيارة تبدا تصب موية برا مع القربة
شفت واحد يطقطق لبناني وقال ي انها تبي تصييخ الرديتر
عموما صيخنا الرديتر
وغيرنا احد الغطائين حقات الرديتر
الان الموتر يمشي زين
لكن اذا مسكت فيه خط ثم وقفت يبدا الماء يصب برا مع القربة
علما ان امبير الحرارة تمام (يعني النص وتحت)

يالربع ابنشدكم اذا تعرفون والا تتوقعون حل لهالمشكلة
لان الموتر نظيف ولا مشا 150 الف
واللبناني يقول يمكن المشكلة براس المكينة
لكن ما احتر الموتر وانا خايف من اني ادفع واخر شي ما احصل نتيجة علما ان ي اذا فتحت غطاء الرديتر اشوف فقاعات صغيرة زي الصابون لكن ما اشوف زيت

بانتظار فزعتكم ومشورتكم،،،