|
المندي بالقدر.. اسهل وأفخم طبخه على طريقتي (جوبتير) امس الخميس مريت سوق الغنم والله الله من الغلا بالحلال شئ فضيع يعني اللي تحت امه ما ينزل عن 600 ريال المهم اخذت لي تيس يفتح النفس توه لبني وجبته البيت بعد الظهر وضبطنا الكبده والمقلقل اللي على كيفك طبعا لم يتم التصوير (ملتزم بالتعليمات ممنوع تنزيل مواضيع البيت):( ::: مالكم بالطويلة تركنا قسم طيب من الذبيحه بالثلاجه قسم التبريد اللي تحت... واليوم صلينا الجمعة 19/3/ 1431هـ واخذنا عزبتنا وعلى المكان المعتاد حديقة المزروع وقررنا نعملها مندي بالطريقة السهلة يعني بدون حفر وبرميل وقلق ........ نبدأ بسم الله : البداية مريت سوبر ماركت يجمعون خشب الطبليات الخاصة بالمواد الغذائية والأدوات الكهربائية ويقومون بتكسيره إلى الواح ليتم رميه وهو من أفضل أنواع الخشب الصناعي أو الخفيف حيث أن اشتعاله سريع جداً ويسخن الأرض بسرعه عاليه ولا حاجة للحطب المكلف ابداً حيث انني لا استعمله إلا في الشبات الخاصة والقهوة والشاهي وأحياناً في الطبخ وكما ترون هذه الطريقة تحتاج إلى كميات كبيرة من الجمر وهذه الألواح تؤدي الغرض بشكل ممتاز اللحمة اللي تكلمنا عنها واللون الزهري العجيب طبعاً تم تتبيلها بالبهارات اليمنية النفاذه : بعد ان تخمد النار نقوم بسحب ثلاثة أرباع الكمية على جنب ونترك الربع ونقوم بتسويته ونضع فوقه قطع من سعف النخل ونضع اللحم بالترتيب فوقه ،، وهنا تشاهدون البطاطس تحت السعف وقد يكون فوقه ما تفرق نقوم بكتمها بالقدر ونضغط عليه بقوة حتى ينغرز قليلا بالأرض ثم نأخذ الثلاثة أرباع من الجمر اللي تكلمنا عنها وندورها على حواف القدر ونضع بعض الكمية فوقه الحين جاء دور الرز نضبط الكشنة نضيف لها الرز http://www.mekshat.com/pix/upload03/...150053_g12.jpg نضيف الماء الساخن وهذي النتيجة بعد ان وضعنا كمية من الزعفران للتلوين الحين السلطة والفجل الأحمر الطازج نظرة آخيرة بعد طول انتظار على القدر مع العلم انني لم اتركه سوى 35 دقيقة نظراً لصغر سن التيس وقوة النار الكبيرة طبعا الوقت المقترح عادة هو من 45 دقيقة إلى ساعة وربع الحين كل شئ جاهز للتقديم vأرجو عدم الرد يتبع ^_^ vvvvvv vvvvv vvvv vvv vv |
| الساعة الآن 11:24 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir