منتدى استراحات زايد - لا عاد تصلي جنب ياهل... يا خسارة الكندوره

يا هلا و الله بالشبيبة كلهم ...

صار لي موقف قبل يومين ... و قلت فرصة أنزله للشباب و أبسطهم شوي

تعرفون قلق البزران ... من جد قلق كبير في كل مكان ... الله يصلحهم بس

المهم رحت أبصلي الفجر في يوم من الأيام ... و كان فيه ثوبين واحد توي مطلعه من

المغسلة ... مكوي يلق .... و الثاني لابسة من فترة و صار شسمه

المهم قلت يا ولد وش نلبس .... و يجيني الشيطان قال ذا النظيف خله للعزيمة .. و البس الثاني ..

و الله و تمسك معي أعاند المطفوق ذا و أطيح وجهه ... قلت له تعرف تسوق ؟

سقها بس ... و خذوا زينتكم عند كل مسجد .... و أروح للمسجد و أنا كاااشخ

ثم(ن) أقيمت الصلاة >> يبي يقولكم أنه راح يصلي بدري

و أكبّر و أنا أبي أمسك خط الخشوع ... ما أمداني أكبّر إلا و البزر اللي جنبي

يضرب بيده على فخذي ... قلت الله يخارجنا منك على خير

الولد بدا يستحلي الشغلة .... مرة يسحب ثوبي ... و مرة يدقني برجله ... ضيع أبو الخشوع

المهم و تعدي الركعة الأولى على خير ... و الركعة الثانية بدا يتجرأ أكثر شوي إلا و يده بجيبي

المحفظة و الدراهم يا ولد ... نزل يدك عساك بعسل يضرب نحرك ...

عاد أنا خايف لا يشيل المحفظة و يهرب ... و أقوم أتنحنح أبيه يخاف ... و لا كأني أسوي شي

لا و بعد من قوة الوجه يحرك يده و يلعب بالمحفظة .... و أقوم أقبصه مع يده

و يطلع يده ... ... لكن شكله زعل بالحيل

قام شسمه وشلون أكتبها ذي ... يسوي كذا .. يعني ي### بخشمه

قلت كويس عسى يفكنا شوي ... و شوي إلا و الكارثة ... الوصخ يطلع من خشمه

و يلزق بثوبي .... قسم بالله للحين مقهور

الثوب توي لابسه يالوصخ ... و انتهت الصلاة ... و أنا ما استوعبت منها شي

إلا و ##### بثوبي ... مسحتها بمنديل و أدور البزر ... أثره ما أمداه يسلم إلا حط رجله على الباب

حسبي الله عليه لا تركني أخشع بصلاتي و لا ترك ثوبي نظيف .... عسى الله يغفر لنا بس

و سلامتكم يا حلوين ..