|
الصداقة و الزواج بسم الله الرحمن الرحيم السلام عليكم ورحمة الله وبركاته شحالكم؟؟ أنا اليوم عندي موضوع وأتمنى أنه يلقى صدى عندكم، ليش البنت يوم تتزوج تنسى وجود ربيعاتها بحياتها؟؟ اللي أقصده من كلامي، أن البنت يوم تعرس خلاص تبدأ تنسى ربيعاتها وتتجاهل اتصالاتهم، طبعا مب الكل، ولا أعمم ع اليميع، لكن مع هذا ما حد ينكر أن في وايد بنات جي يعني حلو أنها هي تهتم بريلها وتخصص له جزء من اهتمامها وتعطي مكانة كبيرة بحياتها، بس مب معناته أنها تنسى ربيعاتها.. طبعا أنا ما أقصد أن البنت المفروض تتصل أربع وعشرين ساعة بربيعاتها، أو تزورهم كل يوم، بس عالأقل تتطمن عليهم بين فترة والثانية، ترد ع اتصالاتهم، معقولة الزواج يخلي الوحدة تنسى كل ربيعاتها، حتى المقربات وايد وايد معاها؟؟ ويوم أناقش هالموضوع مع أي وحدة ترد تقولي، يوم بتعرسين بتتغيرين، معقولة أتغير على ربيعاتي، يمكن فعلا ماروم أتواصل معاهم يوميا، بس مستحيل أقطعهم أو أتناسى وجودهم.. هل الصداقة محكوم عليها بالموت يوم البنت تعرس؟؟!!! هل في مرة صادفج هالموقف؟؟ وكيف تصرفتي؟؟ بشو حسيتي لحظتها؟؟ |
اعتقد أن الزواج يغطي على موضوع الصداقات في مجتمعنا العربي . يعني البنية قبل الزواج يكون عندها مشاعر قوية اتجاه بناء علاقات اجتماعية وخاصة في مجتمع شرقي بناء علاقات بين رجل وامراءة صعب شوي فيوم تتزوج ذي البنية تفرغ هالشحنة في الزواج وتمسح الباقي >>>>>> كلااااااااااااام كبير اعتقد كلامي منطقي ولا مدري والله تقبلي ذا المرور وجعل اللاش يفداش تحياتي |
اقتباس:
تسلم ع المرور الطيب اخويه.. نورت بطلتك.. وانا احترم راي الجميع.. لاهنت.. ربي يعطيك الف عافية.. |
| الساعة الآن 08:53 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir