منتدى استراحات زايد - اليوم ياعيني

مما راق لي قصيده للشاعر صقر النصافي رحمه الله

اليوم ياعيني

اليـوم ياعينـي علامـك ترفيـن
ولانتي على العاده بنثر الدموعـي
اما يبي يلفيك علمٍ ماهو زيـن
والا اتذكر ماغـدى مـن اربوعـي
ياكثر مانذكر من النـاس غالييـن
حدر الثرى ماعاد فيهـم رجوعـي
راحو مراحٍ منـه ماهـم بملفيـن
صارت منازلهم عذابٍ لشوعـي
الله على وقتٍ مضى مثل هاللحيـن
ابعد علي اليوم من حب كوعـي
اليا ذكرتـه والمخاليـق غافـيـن
جريت مايفتح مفالـج اضلوعـي
يوم ان وقتي مقبلٍ ياأدعج العين
عروس عشق ومعجبتها الدفوعي
واليوم وقتي صار بين اليهاهيـن
لا طاب لي يومٍ خبث لي اسبوعي
دنيا نبي منهـا عـدال الموازيـن
وتميل لوني في خطاها جزوعـي
تضحك لناسٍ بالفـرح مستمريـن
وناسٍ تجيهم بالكدر والفجوعـي
وصارت بها سود المقانع شياهين
وفحولها صاروا تبـوع التبوعـي