يابو ماجد واندفنا بالغبار=صار هاليومين لعيوني كحل
هذا خامس يوم ما قر القرار=كل شيء من سوافيه اندحل
كل ساعه له طريق وله مسار=ماعرفنا لاتجاهاته محل
الرمل يقدح كما قدح الشرار=يكتم الانفاس بانواع العلل
مايرد غبارنا زين العمار=لو نجملها بزينات الحلل
حتى نور الشمس غاشيه الحمار=والقمر عيا يبين ويستهل
اختلط ليل السهارى والنهار=والفروش تنوح من طول المحل
ياولي العرش وبيدك القرار=اجعل العسير من جودك سهل
لا تعاقبنا بفعلات الشرار=ولا تتؤخذنا بزلات الجهل