منتدى استراحات زايد - قوة تحمل خيوط الحداق

http://www.samygames.com/forumim/sla.../sdfsdfsdf.gif

اليوم ان شاء الله تعالى راح نتكلم عن خيط الحداق مهما كان نوعه , أغلب خيوط الحداق مكتوب عليها من المصنع قدرة تحمل الخيط على تعليق وزن معين ,مثلا 10kg ويقصدون ان هالخيط تقدر تعلق فيه تقل بمقدار عشر كيلوات فعلى هالأساس نعتقد ان هالخيط قوي وماينقطع بسرعه لكن هالمفهوم باعتقادي غير دقيق وراح أقول لكم ليش من منطلق علمي وعملي :
لو أفترضنا انك قاعد تسحب سمجه وزنها 5 كيلو وهي بالبحر هني لازم تاخذ حساب الماي وقوة السمجه بالاضافه لوزنها وأيضا بعض السمج يكون عريض واذا سحبته تلقى السمجه تاخذ يمين ويسار وتكرف ماي معاها ( السبيطي مثلا) هني يكون هناك وزن زايد عن قوة الخيط فبالتالي ينقص معاك الخيط إذا ماوادعته بالخبره , بالاضافه الى ان الخيط ياجماعه له عمر افتراضي لأن خاصيه الماده المصنوع منها خيط الحداق تروح مع الوقت ومع ماي البحر خصوصا اذا الخيط مانغسل بماي حلو وراح عنه الملح , وهناك حقيقه علميه بالنسبه للخيط وهي كل ماطال الخيط كل ماقلت قوته لأن بطبيعة الحال نسبة التمدد أثناء السحب تزيد وتقل قوة الخيط وقد يعترض البعض على هالكلام ويقول بأني طول عمري أطلع سبيطي مثلا بخيط أربعين اقول له صح كلامك اذا وادعته وصبرت عليه واستخدمت خبرتك بهالشي وبأعتقادي ان الجميع لهم خبره موهينه بهالشي والدليل ماشاء الله تبارك الرحمن هالصور اللي نشوفها . أخيرا نتر السمجه ونتعها بالخيط تقلل من قوة الخيط وهني تبين نوعية الخيط اللي له قدره على استعادة خاصيته بعد التمدد . شكرا لكم ودمتم .