|
لو كنت مكاني .. شبتسوي ؟ السلام عليكم ورحمة الله وبركاتة اللهم صل على محمد وآل محمد أخواني وأخواتي، أحاول بقدر الإمكان أختصر الموضوع... http://umm.biz/html/emoticons/tongue.gif حالياً أشتغل في شركة صغيرة ولكنها جيدة، بعقد مؤقت حصلت على عرض في شركة أقوى والحمدلله مشهورة على مستوى البحرين بقوتها، والكل يتمنى يشتغل فيها دخلت إمتحان ومقابلة، وطلبوا مني جميع أوراقي، وأخذت فحص البصمات، وأخذت فحص طبي، وقالوا لي أنتظر اتصال منهم، ولكنهم تأخروا بالأتصال ويوم سألت خبروني إن بوظفون مجموعة وياي فلازم الإجراءات تاخذ فترة ... ولا زلت أشتغل في شركة صغيرة بعقد مؤقت، والإدارة تبي تثبتني وطلبوا مني كذا مرة أوقع العقد ولكني أحاول أتهرب أو أدور أي عذر لأني ما أبي أقول ليهم بفنش إلا لما يوصلني إتصال من الشركة الثانية ويحددون وياي تاريخ الدوام، ولكن الإدارة في الشركة الحالية تصر علي إني أوقع العقد بهالفترة، وأنا متحير جداً لأني ماطلت واجد http://umm.biz/html/emoticons/sad.gif وأفكر إني أبلغهم أن راح أطلع عنهم لأني حصلت فرصة عمل ثانية ... ولكني بنفس الوقت متحير، أخاف اني أتسرع وأفنش وانا مو ضامن الوظيفة الثانية، هو لحد الآن جميع المؤشرات تدل إني مقبول في الوظيفة، ولكن ساعات أفكر إن انا ما عندي شي مكتوب وواضح إني ضامن هالوظيفة ... وصراحة انا متحير، فلو كنتون مكاني شبتسوون ؟ هل توقعون العقد بالشركة الحالية ؟ وهالشي طبعاً يمكن يعيق إمكانية الإنتقال إلى الشركة الثانية بشكل سريع أو تطلعون من الشغلة الحالية ؟ بإنتظار ردودكم وجزاكم الله خير |
| الساعة الآن 05:44 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir