منتدى استراحات زايد - استشارة يا أخوان في مشترى سوبر سفاري فل اوبشن 98

استشارة يا أخوان في مشترى سوبر سفاري فل اوبشن للبيع
موديل 98
مكينة 4500 بخاخ ( على الشرط )
قير عادي ( على الشرط )
دفلوك ( شغال وعلى الشرط )
أنوار زنون
مثبت سرعة
6 سيديات شد بلد
مكيفين وثلاجة ( شغال وعلى الشرط )
مراتب أمامية كهرب
جلد
فتحة ( شغالة وعلى الشرط )
خالي من التهريبات
كفرات نص عمر
الممشى حول 380 الف
استمارة وفحص جديد
عيوبه بعد التجربة والفحص :
1- الموتر مافيه صدمات بس جايته حكات بالجوانب وراعيه صابغه بالكامل ومغير اللون من أخضر إلى كحلي ( صبغة جيده جداً ومازالت على الضمان )
2- الموتر يحتاج لتربيط
الموتر عارضه واحد للبيع العاجل وأخوي يبي يشتريه وراعيه يبي يبيع دون الـ 35 ألف يعني أتوقع حول 34 - 33
يقول محتاج ويدري ان هذي ماهي قيمته ( الله يفك ضيقته )
مدري وش رايكم ياجماعة الخير
يسوى القيمة هذي ولا لا
تنصحون أخوي يشتريه ولا يصرف النظر عنه ويدور غيره ؟؟
والشكر الجزيل لكل من يفيدنا في هالبيعة