قدر الله وانحول دربيلي=من يعرف مصلح ن ممتازى
نوع طيب مدلله تدليلي=صنعة اشهر شركات النازي
اتصلت بعمنا الوكيلي=قال هاته شغلي مايعتازي
رحت يمه والرويس يميلي=اتمنى سرعة الانجازي
لقيت مصطفى ولد قنديلي=خشته مثل عيون القازي
قال الخبر قلت الخبردربيلي=انكسر وهو راس المالي
كنت اشوف الطير بالتفصيلي=يوم عينه مثل عين البازى
لكن اشوفه انحول ياحويلي=كل عين باتجاه تنازي
قال الامر بسيط ياعميلي=شغلنا واسعارنا ممتازي
بعد اسبوع اعطيك الدليلي=جدد الامل ونا اول عازي
حضرنا فبل الموعد بالقليلي=نوب نمشي ومرة نقازي
هات علمك ياولد قنديلي=قال ماعليش الوضع هزازى
المهندس حلله تحليلي=عالجه بالفيش والبروازي
والنتيجه مامنها حصيلي=الشغل كله على خاز بازي
كان تبغى نرسله تحويلي=للوكيل الخارجي مورازي
ادفع الف ريال والباقي تجيلي=بعد مايرجع سليم ن رازي
قلت هات يامصطفى دربيلي=جعل مايحتاجكم معتازي
العوض نرجيه من عند الجليلي=وعن بضاعتكم تراني جازي