ارجو منكم المساعده ...
 

السلام عليكم ورحمه الله وبركاته
بسم الله الرحمن الرحيم
اللهم صلي وسلم على نبيا محمد وعلى اله وصحبه اجمعين اما بعد
انا يا جماعه الخير صارت لي سالفه هاليومين وتورطت فيها
سالفتي وبدون اطاله ان شاء الله
انا السنه هذي قنيت اربع طيور منها شياهين ومنها احرار المهم دلوني على واحد يبيع طيور والواحد هذا يعني تعطيه عمر 25 او 26 المهم صرت اتعامل معه يجيب لي طيور واشتري وهكذا المهم وتقدرون تقولون تعرفنا على بعض ويعني صداقه المهم اناا رحت له وقلت ياخوي انا عندي موعد بالرياض بالمستشفى وابي احط طيوري عندك امانه وانا واثق فيه لاننا خلاص عرفنا بعض المهم قال ما طلبت شي طلعت سافرت انا لرياض تقريبا مدة جلستي 8 ايام ورجعت لقيت الرجال مسافر والطيور مثل ماهي ذابحها الجوع المهم دقيت عليه بس فاقد لي طير وينه ما ادري مالقيت الا الشيهانه
المهم دقيت عليه يا فلان طيري وينه قال بدلته لك بطير وهو الطير الفلاني والطير هذا زين وعمره صغير وطيري اللي بدله عمره خمس سنوات المهم جاء ويعطيني من المدح على الطير الجديد مع العلم ان الطيري الاول من طيور الامير احمد بن عبدالعزيز وطير طيب ومزيون وعرضته لكم واكيد شفتوه المهم اغراني بكلامه ومدحه عن الطير وانا تقدر تقول مبتدى بالصقار ومع المدح قلت خلاص با فلان طيري راح والطير هذا ان شاء الله يكون عند حسن ظني مع العلم ان الرجل بدل طيوري وانا حاطها امانه عنده ولا شاورني يعني فجأه لقيت طيري رايح ورضيت بأمر الواقع وخذيت طيور وبعدها بفتره بسيطه تعبت انا وقلت ببيع طيوري لاني احتجت
المهم رحت وبعت طيوري بمبلغ اللي انا ابيه والحمد لله المهم ذاك قبل حوالي ثلاث ايام كنت سهران مع اخوياي بأحدى المقاهي الا الرجال دخل علي اللي بدل طيوري قال لي وينه الغيبه قلت والله ابد بالديره وبعت طيوري وكل شي يوم سمع اني بعت الطيور وكذا قال اسمع وقام يهدد قدام اخوياي ويقول ( فلوس الطيور اللي انت بعتها تجيبها لي ومعك الى بكره المغرب قلت ايش قال اللي سمعته ولا وبعد تروح لرجال اللي انت بعت له الطيور وتقول له انك سارق الطيور وكذا وكذا المهم انا انصدمت لانه خويي يعني وصرنا اخوان المهم قلت له معليش ما راح اخرب سمعتي علشانك واروح واقول اني سارق الطيور الطيور طيوور وعندي 5 شاهدين ان الطيور طيوري قال كلامي وقلته لك وخلاص ومعك للمغرب واذا ما صار شي والله غير افضحك وغير اشوه سمعتك بين الناس وانا واحد ما اختلط مع الناس كثير يعني المهم بعد الكلام هذا بيوم رحت لعمي وقلت له السالفه كامله وعمي بدون اي كلام قالي نروح نشتكي عليه وان شاء الله اننا نردعه ويكفينا الشر المهم رحنا لشرطه واشتكيت عليه وعلمتهم بسالفتي كامله وسوو استدعا له وما جاهم المهم جاء وقت صلاه العصر وما جاهم قال عمي بنحلها وديه وان شاء الله نشوف وش يبي المهم جاء عندنا وجايب معه واحد وكل واحد وعطاه موضوعه انا طالب جامعي وهو كبير يعني انا عمري 19 سنه على العموم وبعد الكلام جاء هالرجال وانكر ان لي طيور عنده ويطلبني فلوس وانا انصدمت منه قلت يا فلان عندي شهاد ان الطيور طيوري يعني ما تقدر تنكر قال حتى انا عندي شهاد المهم انا الى الحين منصدم منه وقال لي والله لو اروح لشرطه غير اقلب السالفه عليك انا معارفي هناك واجد ومن ذا الكلام انا تقدرون تقولون خفت يقلبها وانا اروح فيها مع ان الحق معي قلت له ربي معاي ان شاء الله
المهم قال الرجال انا اطلبك مبلغ وقدره 9000 ريال طلع كلام ما ادري من وين جايبه انا انصدمت وقلت له معك شهود انك تطلبني قال ايه
وانا اصلا اطلبه 8000 الاف ريال مع انه غاشني بطير تفريخ وانا احسبه اصيل وانا مالي خبره بالطيوره واجد يعني وما اميز بين التفريخ والاصيل لاني توني مبتدى المهم بالفعل قلب السالفه علي وخذا الطيور والفلوس
ووالله العظيم ان الطيور طيوري والفلوس فلوسي يعني ماله حق ابد وبواسطة معارفه قلب السالفه علي وانا رحت فيها وابي منكم المساعده وش اسوي الطيور راحت علي والفلوس بعد وياليت تفيدوني جزاكم الله خير
ومالي غير الله ثم انتم الله يوفقك ان شاء الله بكل خير وابيكم تساعدوني وش اسوي معه