منتدى استراحات زايد - ردام حول بطير جارح من كبد السماء ورائعه الخليفه فيه,,,,,,,,ذراع الذيب

السلام عليكم ورحمة الله وبركاته,,
مساكم|وصبحكم الله بالخير,, مشرفين ,,واعضاء ,,وزوار منتديات مكشات ,,
كيف حالكم عساكم طيبين كلن بأسمه موضوعي اليوم يخصني ويخص الشاعر,,
يوسف الخليفه شاعر غني عن التعريف رجال ملك كل شي بشعره وكتب القصيد,,
بشتى انواعه وماجات لحظه بهالدنيا الاوعبر عنها بقصيده واثرانا بقصايده الجزله,,
بمنتديات الموروث الشعبي بمكشات سواء ان كانت كتابيه اوصوتيه وحتى القصص,,
اللي يؤلفها بقلمه المبدع وافضل المنشدين تغنو بقصايده واهداني يوسف ثلاث قصايد,,
ومن هالقصايد قصيده كتبها في طرادي ردام,,
بداية السالفه اني اتصفح كالعاده واتابع قصايد شاعرنا اول بأول ماشالله تبارك يكتب كل يوم قصيده
ومامليت من قراية قصايده الجزله وحصلت موضوع لشاعرنا هيضت مشاعره صوره لردام عمر هالصوره سنه,,
الصوره والموضوع على هالرابط
http://www.mekshat.com/vb/showthread.php?t=269438
ورديت له بالموضوع بصوره وقلت له مثل مااعجبتك صورة ردام عسى ان تعجبك هالصوره ودقايق معدوده كتب قصيده كامله فيه ماشالله تبارك الله والله لايضره,,
وانا اهديكم ثلاث صور لردام وهو يحول بطير جارح كانت في بداية المقناص,,
ندرب طيورنا على الجوارح من عقب وحقبيات,,
,
,
,
http://www.mekshat.com/pix/upload03/...33_640x480.jpg
,
,
,
http://www.mekshat.com/pix/upload03/...98_640x480.jpg
,
,
,
والصورتين الاخيره ماهي واضحه بسبب ارتفاعه يالله يقرب الزوم ويجيبه,,
وهذي الصوره اللي هيضت شاعرنا ومشرفنا الخليفه,,

http://www.mekshat.com/pix/upload03/...17_640x359.jpg
,
,
,
وهذي القصيده اللي اثلجت صدري ياجعل عمرك طويل يالخليفه هديه ,,
تبقى معي طول العمر ابد ماراح انساها ورديت له بأبيات شكر ماهي شعر,,
ومايرد لشاعر مثل الخليفه الاشاعر فحل متمكن مثله وانا مانيب شاعر,,

ردّام طيـر الـكـر والـفـر ردام

..............................مـا كنـه الا طايـرات الهجومـي

اليا لقى فـي عالـي الجـو حـوام

................................تلقاه من بـد الجـوارح جزومـي

يـروج حولـه بالمقافـي وقــدام

...............................لينه يجيه سواة صلـف السهومـي

يلوح بالكف العطـب فيـه صمـام

..................................لمـا تبيـن بكاتفيـه الدمـومـي

طاح العقـاب بكـف ردام الاجـرام

.................................واتشوف ريشه بين الاغصان يومي

عليـك يـا ردام تنفيـذ الاعـدام

.................................ما هي غريبه ما ثنتـه الخصومـي

خطير وابعـرف الصقاقيـر عـزام

....................................لطـام هـزام الطيـور الرخومـي

طير السعد يالذيب ما قيـل ينسـام

.....................................حذاري ما ينباع باغـلا الرقومـي

ما شاله الا الذيب عريـف الافهـام

.....................................نسل الهزابير الزحـول القرومـي

اليا درج خرب السهل دونـه ثمـام

....................................يستقبلـه ردام فـوق الحـزومـي

ما يرتخي حيله ولو حولـه حـزام

.....................................يهفي عليه من الطـوال الرجومـي

هـذا طبـع ردام ساطـي وجـزام

.......................................ما فيه من طبع ابيض الليل بومـي

رفيـق راعيـه بمقابيـل الايــام

.........................................وان راح يبقى رب الاحيا يدومـي

رزقه عليه الرازق الحي مـا نـام

.......................................مروي ظما العطشان وقت السمومي

راح الرسول وراحت اجيال من سام

.........................................واجسام صارت بالمقابـر جثومـي

يوسف الخليفة ( أبو عبد الله )

,
,

ياشعر ابيك ترفرف كلأعلام

................................................مادام بسماك الخليفه يحومي

قرناس وافي شجيعٍٍ ومقدام

................................................يجيب من اسمانها كل يومي

طلاع وابد مابطلعه توهام

................................................ويتبع مطاليعه فعلٍٍ عزومي

عزام مرهي على الصيد لطام

.................................................ماتبتعد الجزله لوبالسمومي

يستاهل الناموس وكل الاوسام

..............................................ويستاهل البيرق وكل النجومي

ماشفت مثله على مر الاعوام

..............................................من دون قاصر بعيال القرومي

يشهد على قولي رياجيلٍ احشام

.................................................ياجعل يفداهم رجلن رخومي
وسلامتكم,,
وشكري الجزيل لكل من يرد على هالموضوع,,