|
الغيض من قصائدي المتواضعه الـغـيـض وادان دانه دان دانه داني الغيض موتهم ترى عدواني ياجعلهم بالحال هذا واردى اوضاعهم منها حسن طرباني باخذ نصيبي وقسمتي بالدنيا وياجعل يبطي عني الزعلاني اللي مراجلنا عليه صعيبه حــرام لا ماسامحه بلساني الا يعدل حـالـتـه واحواله ماهوب من شانه ترى من شاني لني حظيت بقدر جداً عالي ياجعلني ماذوق حزن اخواني اللي عن العثرات علو حظي ومن فوقهم ذاك العزيز الحاني ابوي جعل الله يطول عمره اللي عن الفعل الردي ينهاني الطيب ورث وينذكر ماينسى الماضي اللي من عصر جداني اعرف هاك الوقت علمٍ فايت عليه انا كم والدي وصاني وان صار فيني شيمةٍ ومروه كذا كذا الشايب ترى رباني وان كانها بي غيرةٍ فتاكه خذيتها تعلوم من شيباني وكسبت انا بقلوب ربعي حبي ولابعد مني شــكــو جيراني اسمي ليا جابوه نعم الطاري وماشفت بعيون الملا حقراني لاجيت لحدٍ فز مع ترحيبه وافز مــع ترحيبةٍ لاجاني هذا اسلوبي ماتغير نهجي احب اسير وافرح بضيفاني والا العدو خله بوهم احقاده ماهمني ومــانــيــب لاشمتاني ارحم ولاأواجه ضعيف الحجه خير ولاني ياهلي شراني واقوم ويا الحق ضد الباطل ومعَ بياض الوجه انا تلقاني مانيب من يرضا الدنس والخسه حشمت حتى اللي بعيد وعاني وافي ولاني يالنشامى قاصر من فضل ربي خالقي سواني وادان دانه دان دانه داني الغيض موتهم ترى عدواني ياجعلهم بالحال هذا واردى اوضاعهم منها حسن طرباني اخوكم جزام الخالدي تقبلوها بكل ود :s |
| الساعة الآن 05:46 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir