|
الجزيرة والوحده ’’ في بداية ولا اسوأ ,, ومفيش فايده نرجــع كل عام ونقــول ان الاسيوية تمثيل للوطن وان الاسيوية اهم وان تمثيل الوطن اهم وانه كل مباراه تنلعب فالاسيوية تنحسب مشاركة دولية باسم الامارات بس مفيش فايده ’ بعد عام منصرم سيء جدا للاندية الاماراتيه وبعد ان شفنا ( الاهلي ) يبدع محليا ويتشرشح آسيويا ويحقق المراد محليا ومن ثم يلعب فالعالمية ويعطي شرف اول فوز للاندية النيوزلنديه ويبهدل سمعة الدوري الاماراتي فالعالمية ’’ قلنا انديتنا بتتعلم ’ بس مفيش فايده !! بعد ماطلع كلام ان احد مقاعد الانديه الاماراتيه ستسحب وانه سيتم سحب بطاقه اسيوية ومن ثم تم نفيــه وتمت مجاملتنا اسيويا بحكم ان البطولة في اصدارها الاول ’ ومازال تعديل عدد البطاقات لم يحن اوانه ! مفيــش فايده ! الوحــده والجزيرة في افضـــل حالاتهم ولكــن في الاسيوية مفيش فايده ’’ الوحــده سافر بدون اسماعيل وبينغا وعبد الرحيم ! ويقولون كهم مب جاهزين ! انا شخصيا مب مصدق ! ان الكل مب جاهز وكهم لعبو اخر مباراه !! ومحد منهم انصاب ’ ان كان واحد مريض شو دخل الاثنين الثانيين ! وان كانوا مب متكملين الجاهزيه ليش مايشاركون كبدلاء فعالين مثل ماكان يصير فالدوري !! الموضوع واضح’ امامي لا يحتمل اكثر من تأويل ,, الوحده تفكيره منصب عالدوري بالمناسبه الوحده خسر اليوم من اضعف فرق المجموعه والله يعينكم امام الفريق الاوزبكي والاتحاد السعودي المتمرس اسيويا واللي يبا يعوض خسارته الثلاثيه في اول مبارياته ’ الجزيــره ! الفريق اللي شيب شعر روســنا ! ابدعتوا امام العين وقدمتوا مباراه امام 15 الف متفرج وعدتم بالثلاث نقاط وماكنتم مرشحين لها في تحدي صعب وفي ظروف اصعب ’ الآن تلعبون على ارضكم وامام فريق قطري ماله تاريخ وجاي على ارضكم ’,وكل الترشيحات لكم ! ومفيش فايــده ! وكأن التاريخ الاسود يعيــد نفسه اظن ان الغرافه لأول مره في تاريخه بيتأهل للدور الثاني هالعام!! كما فعل ام صلال فريق الدرجة لثانيه في قطر ( مع كامل الاحترام والتقدير ) وفاز الجزيره ذهاب واياب وكان الجزيره الطريق السهل لكي يصل الفريق المتواضع ( ام صلال ) الى نصف النهائي الاسيوي ’ اذن ابشروا كل خير يا جماهير الغرافه ’’ ابشركم ب 3 نقاط مضمونه في ملعبكم ’ اهم شيء اذا تأهلتوا لنصف النهائي ماتنسونا في صالح دعواتكم, اظني الموسم الياي بيستوي الدفان بين الانديه القطريه من يطيح ويا الجزيره ’ الجزيــره محظوظ بان يخسر 2_1 فقط على ارضه !! وامام فريق اقل منه كامكانيات ! لو كنتوا ناويــين على المباراه كنتوا عالاقل جهزتوا روابط ولا جماهير مثل ما انتم مبدعين فالدوري ومتفوقين احصائيا باكثر الفرق اللي أزرتها الجماهير خاصة في ملعبها ’ واصحاب افضل ارقام جماهيريا فالدوري على ارضهم ’! حتى لو كان جمهور نصفه غير حقيقي عالاقل يؤثر فالخصم ! ولا شاطرين تأجرون هالجماهير للعين والوحده اللي متيقنين انه جمهور مزيف لا بيقدم ولا بيزيد ولا بيأثر في لاعبين الخصم ! اعتذر لقسوة الانتقاد ولكن جد جد مفيــش فايده ! |
بســم آللـه آلـرحمن آلـرحيـم ۈعليڪم آلسلآم ۈرحمة آلله ۈبرڪآته يسلـــمۈۈ ع آلطرح آلطــيبـ , , عآشتـ آللهجـه آلمصريــة :: مفيش فآيــدة ,, :kk_ed: تقـــبـُل مرؤريـــ .. |
الله يوفقهم في المباريات الثانية ^.^ والله يوفق العين اليوم في مباراته ^^ يعطيك الف عافية ... ع الطرح الغاااوي |
الجمهــور حتى لو كان (( مزيف )) لا يهم المهم ان تأتــي بـ جمهور يشجع الفريق .. (( نحن فـ الاحتراف )) هناك شي أسمــه رابطة مشجعين .. لا تهم جنسية المشجع أو هو يحب هذا الفريق (( الجزيــره )) المهم ان يكون هناك مشجع يقف خلفك .. لا تنظر للتاريخ ( هكذا علمتنا كرة القدم ) انظر لمن هو امامك .. انظر لقوته .. انظر لجاهزيته لاستعداده .. انظر لـ طمــوحه فـ هنالك فرق لها تاريخ عريق و تخسر من فريق ليس لديه سوى بطولة واحدهـ أو بطولتين فقــط .. .. |
ان شا الله بعض الناس يتعلمون اللي يقولون بطل اسيا وهم ابطال من سبع سنوات معروف طبعا |
| الساعة الآن 08:00 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir