القارمن ودار موجه
 

السلام عليكم ورحمة الله وبركاته

ياأخوان أنا قريت عن القارمن ودار موجه في منتدى مكشات وقلت أروح لبريده مخصوص لسنيدي ودار موجه
شريت أغراض من السنيدي لقيت محل يفوق الخيال وأدوات متميزه تجبرك على شرائها
سألت عن خرائط مفصله لجميع مناطق المملكة ماحصلت عندهم والي اقصده نفس خرائط الصمان والتيسية والدهناء الموجوده لديهم لاكن مالقيت غيرها هالنسخه ولا أدري وين باقي الخرائط للمناطق الاخرى أحصلها ياليت الي يعرف يبلغني بمكانها وهي خرائط جديده ومفصلها بكل المقاييس أفيدوني فيها يالربع ؟؟

وتوجهت بعدها لدار موجه لشراء قارمن 276c عربي لقيت سعره غير السعر الي تم توضيحه لنا هنا في مكشات لقيت سعره 3500 ريال والسعر الي انا رايح من شانه 2900 ريال
ياليت تفيدوني ياأخوان هل دار موجه بالرياض أرخص من الي ببريده ولا كلها سعرها واحد ام إن الجهاز زادت قيمته

وتقديري لجميع الأخوه في مكشات منتدى التميز دوماً