منتدى استراحات زايد - استفسار عن افضل نوع للقصبات الصغيرة

يعطيكم العافيه يا شباب مكشات
وكالعاده مالنا غنى عن شوركم
وبغيت رايكم في شراء قصبه صغيره للصيد مع العلم اني حالياً أصيد بصناره كربون 4.5 متر
وطريقه صيدي بالقصبه هي طريقه يسمونها (النتش) سماها احد الأخوة هنا طريقة الفلبينين :)
طريقه النتش :
يعني ترمي الخيط وتظل ماسك القصبه واصبعك على الخيط وبمجرد ما تحس ان في ضرب قوي على السناره تقوم بسحب الصناره بشكل مفاجئ وسريع
(السحب يكون بواسطه سحب القصبه وليس البكره ).
المهم ان ال4.5 تعبتني لان حجمها كبير وما يمديك تحركها بسرعه بنفس طريقه القصبه الصغيره
لذا قررت اني اشتري لي قصيه صغيره بحدود 2.1 متر أو 2.5 متر
لكني اختلفت مع الشباب في نقطه وهي:
هم يقولون ان افضل شي هو القصبه االي تتصفط داخل نفسها مثل االإريال وتجيك مجووفه من الداخل ومرونتها تعتمد بشكل كبير على أول قطعه فيها
ويزعمون ان قصبات الصب وزنها ثقيل وبتتعبني في المسكة
وأنا أقول ان الأفضل هو قصبات (الصب) أو التركيب واللي تجيك قطعتين يتركبون على بعض وتجيك مصمته من الداخل ومرونتها عاليه جداً
فإحترت في الموضوع
وش تنصحون فيه من تجاربكم
هل الافضل القصبه العاديه ولا الصب ؟؟
شغله ثانيه : لقيت مكينه بانكس صغيره قيمتها 100 ريال
هل تفي بالغرض ولا لابد يكون حجمها كبير نوعاً ما (اللي مركبها على ال4.5 بانكس 4000 سعه الخيط 150 متر)
ولكم كل التحيه والتقدير
أخـــــــــــوكم
ناصــــ أبو بدر ـــــر