مصدر جنوني ( طارق )
 

يوم شدّوا وإرحلوا عني بغيابي
سالت العبرات ما غضت جفوني..
ما هناني النوم والذكرى عذابي
دونهم والله ثارت بي شجوني..
غادروا الأديار وخلوني مصابي
مثل طيرٍ وزود بالخافي رموني..
بات حلم الأمس وأصبح كالسرابي
يوم عزّم يقضي الأوقات دوني..
كنت أشوفه وبه تراه الجرح طابي
وكان لجله كل جرحٍ بيهوني..
لا سمع قولي ولا حتى عتابي
ما درى حبه غدى مصدر جنوني..
هذي الأبيات يوم الحظ خابي
ودوم حظي عاثر يخيب ظنوني..
والله إني منتظر وقت الليابي
ما أبي غيره ولو غيره بغوني..
دون نبت الأرض ما فاد الترابي
ودون خلي اليوم ما أبها عيوني..
ذقت موتي ليته الغالي درى بي
كيف بعده كل هالعالم نسوني..



كلمات الشاعر: مايد بن حمد السويدي..


بس انا بغيتها اغنية ومالقيتها

ياليت تساعدوني

لو تكتبون في قوقل مصدر جنوني ( طارق ) بيظهر لكم

لكن مقطع وانا ادورها كاملة ماألقاها

السلام عليكم ورحمة الله وبركاته



صح لسااانه


وتسلم ع الطرح الحلووو

صح لسان شاعرها

تسلم اخووي ع الكلمات الغاويه

وانا بعد مثلك من متى ادورها بس القى مقطع