منتدى استراحات زايد - اللي صار معي يوم الخميس ...مانوع هذه السمكه الغريبه (صورة)

حي الله جميع اخواني المكشاتيه
ادخل في الموضوع طوالي
هذا يا طويلين العمر وانا اصيد يوم الجمعه الماضي و أنا اللي اصيد لي سمكه شكلها غريب نسبياً
الى هنا والوضع طبيعي !!
شوي يوم امسك الخيط واقرب السمكه ابغا افكها من الميدار
الا تهئ لي شي غبي نوعا ما .......السمكه تطلع صوت ؟!
قلت يا ولد قل غيرها لان على ما درسنا في كتاب العلوم ان السمك مااله صوت؟
علشان اوضح طبيعه الصوت اكثر:
شفت لما تتنفس وخشمك يكون مسدود كيف يكون صوت تنفس مخنوق وبصوت عالي
الصوت كان شبيه جداً وكأن السمكه كانت مخنفره؟>>أكيد بتخنفر..موأنت صايدها ؟!:D
نرجع لكتاب العلوم مره ثانيه الاسماك تتنفس بواسطه الخياشيم وليس عندها جهاز هوائي مثل الثدييات ؟
الزبده اني من اول ما طلعتها وانا مومرتاح لها
تذكرت ان خويي قبل يومين كان يصيد ويقول طلعت له سمكه تنتفخ ويصير جسمها كله اشواك !!! قلت يمكن هي ؟
شيكت على ظهرها كان املس ولا فيه اي اثر لأي شوك
وانا اللي امسكها (مع ظهرها ) وتوني باسحب الميدار من فمها (الميدار ضارب في اخر فمها يعني ضاربه ضربه محترمه) الا صوت (الخنفره) صاار اسرع وبدأ بطنها في الانتفاخ وعليه كميه أشواك يحبها قلبك
طبعاً هذيك اللحظة تفلت العافيه وقلت يا ولد ما يبيلها واحد اثنين قص الخيط لبنت الكلب لابوها لابو من صادها
السؤال هو: إيش هذي بالضبط؟؟؟

http://www.mekshat.com/pix/upload03/...mk146872_2.jpg

وهل هي سامه ؟ (لاحظوا اني ماسئلت ان كانت تنوكل لانها مقرفه حتى لو تنوكل ما ابغاها)
معليش طولناها وهي قصيره
لكن نبغا منكم شويه تفاصيل لأن الفضول بيقتلني