الإدارة غير مسئولة عن ممتلكاتكم الشخصية
 

السلام عليكم

مقدمة الموضوع:

قبل ثلاثة اسابيع كنت مسافر بحسب طبيعة شغلي ...ظلت سيارتي تقريبا 4 ايام من غير تحريك فدخل فيها فار وقح بكل معنى الكلمة الى المكينه واكل بعض الوايرات لين ما شبع فاضطريت اوديها الوكالة وبالتحديد وكالة الهوندا

الموضوع:

طبعا لازم نشيل كل الاغراض الشخصيه من السيارة في حال التسليم وانا شلت الاشياء المهمه وضلت خردة كم ربيه صدقات خليتهم في بوكس النظارة وخليته داخل مسند الايد ما بين الكرسين ولما استلمت السيارة اختفت الخردة

وكان على تقرير دخول السيارة للوكالة هذه العبارة:

(( لاتوجد أية أغراض شخصية داخل السيارة ولا يحق لي المطالبة بأي متعلقات تخصني تفقد بعد استلام هذا الايصال والشركة غير مسئولة عنها ))

طبعا رحت مره ثانيه كلمت المرشد اللي استلم السيارة وقال لي ما نقدر نسوي لك شي لانه اكثر من شخص ساق سيارتك وغير اللي اشتغلوا فيها فرديت عليه اكيد معروفين الاشخاص اللي استخدموا السيارة فرد قال مسامحه ما اقدر اسويي لك شي بس بسال السكيورتي ..فقلت له صح المبلغ بسيط بس هالشي يضر في سمعه الشركه ومستوى الخدمة وهذا القانون كانه يقول للموظفين بوقوا كل سيارة تدخل للكراج لانه محد يقدر يحاسبكم بدعم من ادارة الشركة

ما رأيكم


تحياتي