يقولون صقر وأنا أقول ماهو صقر وأنتم وش رأيكم؟
 

السلام عليكم.

ياشباب هذا الله يسلمكم مجموعة من الربع (بس مافيهم الصقار) شافوا لهم طير على شجرة واختلفنا فيه هل هو صقر أم لا؟. الأكيد إنه ماهو حدية أو خاطف ظله أو حميميق أو خميسة. طبعاً ماقدرنا نسأل صقارين ربعنا عشان مايفضحونا :)

الطير اللي شفناه له الحين في المنطقة أكثر من شهر. يعني حسب الربع يقولون يختفي يوم ويرجع ويحط على مجموعة أشجار ويوم تلاقيه بهالشجرة ويوم بالشجرة اللي جنبها.

أنا رحت معهم مرة وقلت خلني أشوف الطير. وبالفعل شفته ومع إنا ماقدرنا نقرب منه لكن الطير لونه أشقر شوي وحجمه كبير (وهذا اللي خلاني اجزم إنه ماهو صقر لأن حجمه قريب من الحدأة أو الحديه ولو إنه أصغر شوي) لكن رأسه لما دربلنا فيه بالدربيل قريب جداً جداً جداً من رأس الصقر.

وفي الحقيقة قلت ماراح يفيدنا إلا صقارة المنتدى ويعلموني وش هالطير اللي أكبر من حجم الصقر وقريب من حجم الحدأة (أصغر منها بقليل) ولونه قريب من لون الحر الأشقر؟؟؟.

عاد لاتشرهون عليّ يالربع عشاني ماصورته لأنه مايخلينا نقربه.

وتقبلوا تحيات أخوكم مكشاتي كوكتيل