منتدى استراحات زايد - مشكلة في الفكسار Vxr

السلام عليكم ورحمة الله وبركاته

انا مشكلتي احسها عويصة شوي

اول شىء الدبل عندي كان فيه مشكله بحيث اني لو اشغله وانت ماشي ولفيت الطارة على الآخر الطارة السيارة تمسك وتوقف وبعض تسمع صوت طقه
طبعاً خليتها ولا رحت شيكت لان دخلاتي للبر قليلة مع العلم اني فاصل الدفع الرباعي المستمر وما اضن انه اهو الي مآثر لان فيه كم واحد من الربع لهم سنين وهم فاصلين الموتر ولا اشتكوا منها

والحين قبل فترة طلع معي صوت غريب ومستمر مع المشي

طبعاً الصوت ما يطلع الا اذا كانت السيارة بنمرة وانا ماشي طبعاً ما يطلع بس اذا فكيت رجلي عن الدعسه يبدا يطلع الصوت (تك،تك،تك) اول ما تدعس او تضغط الكلتش يروح الصوت

وصار لي فترة ما شغلت الدبل وامس شغلته وقلت خل اجرب السيارة والصراحة ما سكه مع اللفات بزيادة ويوم فصلته احس الصوت الي يطلع بعد ما تفك الدعسه زاد صوته

طبعاً امس رحت شحمت العمدان وشيكت على زيوت الدفرنس لكن الصوت ما راح والصراحة انا اشك في عمود الدبل لاني لما اضربه بيدي يبدا يطلع صوت ويهز معي مع الضرب

فقلت لازم اشاوركم قبل ما اروح للورش واشوف هناك لان خبركم يعطيك احتمالات وهو من جنبها وانواع الخساير

والله لا يهينكم واسف على الاطاله