شرح طريقة تشغيل النت والجوال في منطقة بعيده عن برج الجوال اليوم جايب لكم طريقة لتشغيل الجوال أو النت في الأماكن التي تبعد عن أبراج الجوال أو يكون الإرسال فيها ضعيف جداً ومنكم من يحتاجها وقت الكشتات في البر أو في الاستراحه وفي بعض المحلات التي يصعب الاتصال فيه ( والله العظيم أني أستخدمتها في منطقه تبعد عن أقرب برج جوال بأكثر من ( 15 كيلو متر ) ومستخدمها إلى الآن في الجوال وفي النت ) . وقلت أشرحها لكم يمكن فيه أحد محتاج هذه الطريقه الطريقه سهله جداً وراح أشرحها لكم بالتفصيل . بسم الله وعلى بركة الله نبدأ أولاً الأدوات المطلوبه : 1 – أريال خارجي مخصص للجوال سعره تقريباً 150 ريال 2 – مقوي بوستر مخصص للجوال سعره تقريباً 600 ريال يشتغل على الكهربه وبطارية السياره ولا يستهلك بإمكانك تشغيله على بطاريه ضعيفه جداً 3- سلك مخصص للبوستر والاريال طوله حسب المكان اللي عندك 4 - توصيله صغيره تركب في الجوال وتوصيله أخرى تركب في الكونكت 5 - جوال العجيب أو الرهيب ( الله لا يهينكم تلقونه في المحلات قديمك نديمك عشان البوستر حالف أنه ما يشتغل إلا مع هالمزيون 6 - كونكت أسمه اير كارد 875 برنامج يجي مع الكونكت أو برنامج أسمه ثري جي ووتشر وأنا أفضل الأخير لأن فيه مزايا ماهي متوفره في البرنامج اللي يجي مع الكونكت مثل الأتصال عن طريق الكمبيوتر عن طريق مدخل السماعه الموجود في خلف الكونكت . ثانياً : طريقة تركيب الاريال والبوستر وشبكها مع بعض الأريال سهل تركيبه مثل أي أريال خارجي اي واحد يقوم بتركيبه وموضح في الكاتالوج اللي يجي معه ايضاً البوستر جاهز يحتاج منك تشبك محول الكهربه والسلك توصله للأريال وفي الجهة الثانية توصل فيها السلك اللي راح تشبكه في الجوال أو الكونكت مافيها صعوبه إن شاء الله . ثالثاً : طريقة شبك الجوال جيب المزيون جوال العجيب أو الرهيب وتلقى في خلف الجوال من الأعلى جلبه صغيره شيلها تشوف تحتها مدخل للسلك الخارجي وهذا ماتلقاه إلا في هالجوالات المزيونه. اشبك التوصيله الخاصة بالجوال في خلف الجوال وقوم بتوصيلها بالسلك اللي شابكه في البوستر . واتصل على كيفك ثالثاً : طريقة شبك الكونكت وتشغيل الانترنت وهذا هو الأهم . الكونكت اير كارد 875 أخترتها لأنه يوجد في خلفها مدخلين مدخل للانترنت ومدخل للاتصال نشبك التوصيله الخاصة بالكونكت في خلف الكونكت في المدخل المخصص للانترنت ونقوم بتوصيلها بالسلك الخارجي اللي موصلينه في البوستر نروح للكمبيوتر ونشغل البرنامج الخاص بالكونكت أو برنامج ثري جي ووتشر وهذا اعتبره الأفضل عشان المزايا الموجودة فيه وسهل وغير معقد . واضبط اعداداته على موبايلي أو الاتصالات وغيرها وأفتح المتصفح على طول وأدخل على مشكات وسلم عليهم جميعاً . طبعاً سرعة الانترنت تعتمد على البرج اللي تسحب منه إن كان جيل ثاني مطور أو جيل ثالث أنت وحظك . وإذا حبيت تتصل والنت شغال بتكلم أحد من ربعك الله لا يهينك روح لمحلات الجوال واشتر سماعه للكونكت وحطها في المدخل الخاص بالسماعة خلف الكونكت وروح لبرنامج الثري جي ووتشر وتلقى الارقام ودق على الرقم اللي تبي واتصل وكلم على كيفك . طبعاً الارقام لها ملف خاص تنسخه في مجلد الكونكت والآن أترككم مع الصور الخاصة بالاشياء المطلوبة قسمتها إلى ثلاث أقسام الصورة الأولى http://up.arb-up.com/i/00162/uu65e84i0lje.jpg الصورة الثانية : http://up.arb-up.com/i/00162/vgojysl4id79.jpg الصورة الثالثة : الصورة الرابعة : المثل يقول ( الحاجة أم الأختراع ) حاجتي للنت جعلتني أفكر في هذه الطريقه واحببت ان أشرحها لكم لعل منكم من يستفيد منها ويدعو لي في ظهر الغيب . إن اصبت من الله وحده وإن أخطأت من نفسي والشيطان وصلى الله على نبينا محمد وعلى آله وصحبه وسلم . |
الساعة الآن 07:12 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir