مشكلتي التاريخيه مع n900 بصوت السبيكر
 

السلام عليكم

اخواني صارلي شهر بالضبط كل اسبوع ادخل تلفوني ورشة نوكيا ويطلع استعمله يومين وارد ادخله مره ثانيه والله بصراحه الجهاز رهيييييب بس بديت اكرها بسبت المشكله هذي

بالبدايه المشكله اهيه اني بس اكلم احد بالتلفون ما اسمعه بوضوح الصوت يخف ويرد يرجع يعني كأني وطيت على التلفون حيل وبعد فتره ارجع اعليه !! وهذا شي ينرفز ومايخليني افهم المكالمه عدل ( مع العلم اني جربت على شبكة 3g وعلى ال GSM ) والمشكله مستحيل تكون من الشبكه لاني جربت حطيت نفس الخط بجهاز ثاني ومافيه اي مشكله

وطبعا الموضوع هذا يحصل معاي 60% يعني مو مع كل المكالمات

اول مره دخلت الجهاز : رجعولي اياه بدون لايسوون شي وقالولي انه احنه نظفناه ! والمشكله مانحلت
ثاني مره دخلت الجهاز : بدلو البورد (يعني بدولو الجهاز) وعطوني سيريل نمبر يديد وكفاله يديده طبعا
ثالث مره دخلت الجهاز: رجعوه وقالولي مافيه مشكله ونظفناه !

رابع مره رحت وزلزلت الشركه عليهم و قالولي راح نستعمل التلفون يوم كامل المدير حط فيه خطه واستعمله يوم كامل وقالي اذا صارت معاي نفس ماتقول اعطيك جهاز يديد وعد من الكرتون

رجعتله ثاني يوم والمدير يحلف انه الجهاز مافيه شي والمشكله موموجوده (مع العلم انه بس بدل الخط مافرمت الجهاز وله شال برامج)

رديت البيت وانا شاك بنفسي وبعدها بيوم صارت نفس المشكله !! هني انا كنت شوي واكسر التلفون او ابيعه

وديته لهم للمره الخامسه ودخلوه الورشه يفحصونه وقتلهم ياتبدلونه ياترجعون فلوسي وقدمت شكوى و اذا ماسوو شي بروح حماية المستهلك وليلحين ناطر الاسبوع الياي يردولي خبر شنو صار


انا الي معقدني انه شلون بلدو الجهاز والمشكله مازالت موجوده بالجهازين ؟!! وشلون المشكله مابينت مع المدير مع انه استعمل الجهاز يوم كامل ووراني انه داق على فوق ال 20 رقم

هل المشكله بالشريحه مالتي مثلا؟ مع انها شغاله بكل التلفونات 100% الحين استعملها بجهاز بديل عطوني اياه 6120 ومافيه شي وجربت على كذا جهاز

تكفووون شنو تنصحوني شنو رايكم بالموضوع والله تعقدت ؟؟؟؟ صارلي شهر اعابل على هالجهاز بالمستقبل :mad: