منتدى استراحات زايد - يا جماعة , خربت طرمبة الزيت للجمس , وقالولي توضيب مكينة :( رأيكم

السلام علكيم ورحمة الله وبركاته

حيا الله اعضاء مكشات :)

وش اموركم ,, عساكم مرتاحين :good2: ؟

ما لكم بالطويله

هذا انا يا طويلين العمر عندي جمس صالون 2500 موديل 2002
وطلع عندي صوت من حوالي 9 اشهر الى سنة تقريبا من الآن ,, والصوت عباره عن صوت طقطقة بالمكينه او حولها :(

المهم اهملت الصوت ولا كأني سمعت شي , مع ان الصوت قوي نوعا ما , :eek:
وضليت استخدم السياره استخدام طبيعي ولا وديتها لورشه ولا شي ,

وفي يوم من الايام كنت ابروح مشوار , وجيب ابشغل الجمس واروح عليه ,

المهم يوم شغلته الا بسم الله الرحمن الرحيم سمعت صوت قوي قوي تحت حول المكينه ,, طفيت الجمس ونزلت اناظر تحت السياره ,, والا واناظر زيت كثيير منكب ,, وعلى جيت اخوي ويقول لي يوم شغلت الجمس في مسمار انطلق من تحت وخر زيييت واجد من بعده ,,, :mad:

طبعا السالفه ذي له حول 6 اشهر ومن يومها وانا ما شغلت الجمس ابد , موقفه بالكراج

طنت لي امس اني اوديه واصلحه , شلته على سطحه ووديته لميكانيكي هندي اتعامل معه من زمان

ويوم شافه وشغله قال هذي طرمبة الزيت خربانه وانت اهملته وما صلحته ,, وصارت الطرمبه ما ترقي زيت للمكينه او انه دفعها ضعيف , ونتيجة اهمالك طلع صوت السبيكه حقت ذراع البستم ,, والان موترك يبيله توضيب او انك تغير مكينتك وتشتري مكينه جديده !! :mad: :mad:

الآن انا ابستشيركم ,, هل تتوقعون ان كلام الميكانيكي صحيح ؟؟ وكيف اعرف ان صوت السبيكه طالع ؟

ووش رايكم وش السواة اوضب والا اغير مكينه ؟ واذا كنت ابغير هل اخذ مكينه امريكيه او سعوديه ؟

تراني في حيرة من امري !!

شاكر ومقدر لكل من مر على موضوعي واتشرف بمساعدته لي واخذ رأيه في هذه المشكله :)

اخوكم