|
الزيت (( عصب المحركات )) .. حلول ومشاكل السلام عليكم :s :s :s بسم الله الرحمن الرحيم الزيت وما ادراك ما الزيت هو عصب المحرك فبدونه تتدهور حالة المحرك ويصاب بدوار ودوخة وبعد ذلك يفارق الحياة ويحتاج إلى عملية انعاش (( توضيب )) طيب عرفنا ان السيارات واغلب المحركات لا تستطيع العيش بدون الزين ...... لكن كيف ... انا افيدك يا حبيبي في الله ... بإذن الله راح تستفيد من الموضوع البسيط الزيت يا حبيبي هو مثل الواقي الذي يقي الحديد من التآكل .... كيف يحدث التآكل .... التآكل يحدث نتيجة الاحتكاك فإذا اردنا ان نقلل من التآكل لا بد من ان نقلل من الاحتكاك فكلما قلت نسبة الاحتكاك قلت نسبة التآكل (( عملية طردية )) والعكس صحيح .... أهاااااااااااااااااااااااا ..... الحين فهمت ... طيب كيف فهمنا من درسك ان الزيت لازم يغطي اجزاء الحرك اللي تحتك مع بعضها البعض طيب كيف يوصل لها ؟؟!! يوصل لها عن طريقين عن طريق عمود الكرنك فهو يقذف الزيت على اجزاء المحرك وعلى البستم فيتم التزييت ويسمى بالطرطشة .. والطريقة الثانية يوصل لها يا حبيبي عن طريق الفتحات الموجودة في المحرك اوضح لك بالصور اولاً يتجمع الزيت في الكارتير (( وهو مجمع الزيت في اسفل المحرك )) ...... http://www10.0zz0.com/2010/02/11/17/297126824.jpg ثم يدفه من اسفل المحرك (( الكارتير )) ثم يدفع من الكارتير إلى اعلى المحرك عن طريق طرمبة لزيت التي في الصورة اسفل http://www9.0zz0.com/2010/02/11/17/286484878.jpg طبعا طرمبة الزيت تختلف من سيارة إلى سيارة (( طبعا الطرمبة تتكون من فلتر لمسك الشوائب الثقيلة وتروس داخل الطرمبة لدفع الزيت )) http://www9.0zz0.com/2010/02/11/17/482836877.jpg ثم يضخ عن طريق فتحات المحرك للتبريد على المرك والوصول إلى اعلى المحرك (( البلوف وجلد البلوف إلخ ..) ثم يرجع الزيت من جديد الى الكارتير ويزيت بقية اجزاء المحرك (( اللي ترتفع وتنزل وتضغط على البلوف للفتح والتسكير )) ومروراً بعمود الكرنك ... .................................................. ................... طيب بعضهم يقول عندي مشكلة ضغط الزيت اللي عندي في السيارة يضعف أحياناً ؟؟؟ الحل اخوي الكريم ممكن يكون عندك مشكلة في واحد من ها الاشياء الثلاثة 1- طرمبة الزيت تكوت ضعيفة واحتما تخرب عن قريب ... 2- الساعة اللي في الطبلون خربانه .. 3- نفس حساس الزيت فيه مشكلة ما يعطي اشارة مضبوطة .. طبعاً إذا كانت السيارة قديمة نصيحة من اخو لأخوه غير الطرمبة على طول لانها لو خربت معك وانت تمشي راح تودع المكينة وتروح في خبر كان .. ولا تركب إلى اصلية طبعاً إذا رحت السوق راح يقولون لك انه ما فيه إلا امريكي (( لاصحاب المحركات الامريكية القديمة تحت الالفين )) لكن هناك انواع تجاري .. لاتفكر يوم تركبه لانه راح يكلفك الاف الريالات بعدين وانت توضب المكينة درجة ثانية .. ما جربته لكن الفرق بينه وبين الدرجة الاولى انه 20 إلى اربعين ريال يعني ما يستاهل تركبه درجة اولى ... ممتاز جربته على موتري البليزر وصار الزييت ولا احلى .. الضغط وحرارة السيارة خفت بشكل ملحوظ بسسبب حركة الزيت السريعة .. أحياناً تشيك على السيارة بالكمبيوتر قبل لا تشتريها ويقولون لك كل شي أوكي لكن عندك الصوفة الخلفية تهرب تهريب بسيط او الصوفة الامامية .... اول شي فرق بين الصوفة وبين الجلدة اللي تكون بين الكارتير وبين المحرك (( القازقيت )) إذا كانت المشكلة من الصوفة فأول ما تشغل السيارة تشوف السيارة تنقط زيت من تحت وتبدأ نسبح لك الدنيا اما اذا كان القاز قيت فتلاحظ ان فيه نقط بسيطة تتجمع على الكارتير من تحت وما فيه هناك نقص يذكر في الزيت طيب ايش الفرق بين الأثنين الفرق سلمك الله القزقيت ما يحتاج تنزيل قير او تنزيل مكينة لانه يفتح الكارتير (( طبهاً إذا كان فيه مجال انك تنزله مثل الجموس )) ويتغير القزقيت ويرجع كل شي طبيعي . اما اذا كان الصوفة فلازم تنزل القير او المكينة وبعدها يشوفون الصوفة هل يحتاج تنزيل عمود الكرنك ولا ما يحتاج ... (( طبعاً النقطة يبغالها تفصيل زيادة لمن اراد المزيد يسأل ويبشر بالخير )) .. ممكن تشكل الشوائب انسداد لطرمبة الزيت ؟؟ اكيد لكن لا تخاف كثير لانه تحت طرمة الزية يوجد شبك لمسك الاوساخ الكبيرة لكي لا تدخل إلى الطرمبة والشوائب الصغيرة يتم مسكها بفلتر الزيت المسمى بالسيفون ... لهذا السبب احرص اثناء تغيير الزيت من عدم استخدام قمع به قشور صبغ او اوراق لكي لا يتسبب لاحقاً بإنسداد الطرمبة وحاول تغيير السيفون كل مرتين من تغيير الزيت او كل مرة ولا تستخدم إلا الفلتر الاصلي لان التجاري ممكن ان لا يؤدي عملة بكفائة فيضر المحرك بعد مدة .. انواع الزيت هناك انواع كثيرة من الزيت ولن نتطرق لذكر انواع الزيوت طبعاً كل محرك يحتوي على فتحات وطرمبة زيت فالشركة تحدد نوع الزيت بناءً على طرمبة الزيت وحجم الفتحات (( لاتجي لمحرك مصمم للعمل على 10-30 وتحط عليه 20-50 لانه راح يتعب طرمبة الزيت مع الزمن وراح تعاني من مشاكل )) طبعاً هذه القاعدة لا تنطبق على كل المحركات لان بعض المحركات تقبل جميع الانواع لكن يستخدم معها هذا النوع من الزيوت بناءً على منطقة التصنيع (( تكون منطقة باردة فيستخدمون رقم اقل او حارة فيستخدمون رقم اعلى )) ما هي الارقام المكتوبة على الزيوت 0-30w أي ان اقصى كثافة يصل إليها الزيت هي 30 عندما يكون الزيت بارداً و 0 عندما يصل الزيت إلى اقصى حرارة ممكن ان يتحملها نفس القاعدة تنطبق على بقية الزيوت 10-30 و 20-50 .... إذا افهم من كلامك ان الزيت يحتاج تبريد لانه يساهم في تبريد المحرك ... ولكي نستفيد من اقصى لزوجة ممكنة ؟؟!! صح عليك الصراحة انت واحد ما في مثلك .. يكون تبريد الزيت عن طريق إحدى الطريقتين .... الاولى عن طريق ما الراديويتر عندما يمر الزيت في اماكن بالقرب من انابيب الماء البارد فيبرد الزيت ... الثانية وهي موجودة غالباً في الجيوب والسياراة اللتي تحتوي على محركات كبيرة فهناك مبرد زيت مثل طريقة الراديويتر كما في الصورة .. http://www.mobileoneinc.com/for%20sa...S%20COOLER.jpg احياناً يكون عندك تهريب وبالشن بعمرك بعدين تكتشف انه من ها الأهواز اللي يوصلون للمبرد حق الزيت وش تسوي خذها نصيحة لا يقص عليك أحد ويقولك ركب هوز جديد وقف السيارة عند البيت وفك الاهواز وخذ الهوزين (( طيب ليه الهوزين هوز واحد يكفي )) مدام خرب معك واحد ويبس اكيد الثاني قريب يخرب فخذهب اثنينهم لكن اذا ما كان عندك مشكلة بالثاني لان الاول انقطع عن طريق ضربه او شي من ها القبيل لا تاخذ إلا واحد :good2: ورح لاقرب محل كبس اهواز وخله يكبسكل نفي المقاس على نفس القواعد اللي عندك لانك مهما دورت ما راح تحصل احسن من قواعد الوكالة .. وخله يزيد لك شبر او اقل على حسب طول الهوز علشان ما تنتكب في التركيب والمقاس ...:D طيب احس اني اكتفيت اليوم .... (( ما قصرت بيض الله وجهك )) ووجهك .. وانا جاهز لاي استفسار وانا توني مغير طرمبة الجمس في البيت ومغير القازقيت حق الكارتير ... وكان ودي انزل لكن الصور لكن للاسف ما امداني اصور لاني كنت لحالي اشتغل وكان الزيت لاعب لعبه بالكفرول :p .. لكن اللي مستعجل على الطريقة (( يأشر واحنا نفصل )) ;) انشاء تكونون استفدتوا واي سؤال انا حاظر وبعد الاخوان ما يقصرون .. ان اصبت فمن الله وإن اخطأت فمن نفسي والشيطان ... كان معكم أخوكم الراجي . |
| الساعة الآن 10:38 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir