العلاقات المنزلية !!
 

السلام عليكم

شخبار شعب ...

عندي سؤال و دايما يحيرني :confused1: شلون علاقتكم ويه بيتكم !

يعني الأم , الأب ,الأخوان , شلون تتعاملون وياهم ؟ شلون تتكلمون وياهم ؟ تنادون بأسمائهم أو تدلعونهم ! :punish2:


من خلال اللي أعيشه و ألاحظه أقدر أقول أنه ... و طبعا مو ضروري كلامي مطابق في كل الأحيان .

الأم ... عادة هي الأقرب في العائلة , بحكم هي المربية الأقرب و المتواجده في المنزل , الملاحظ في عوائلنا و بيتنا أنه تكون علاقة الأبناء مع الأم هي الأقوى من غيرها و عادة تكون الأم هي حلقة الوصل بين الجميع .

الأب ... أنا بصراحة ما أدري إذا الكل أو أكثر الناس جذي , انا اللي لاحظته في البيت و حتى في بيوت كثيرة أنه علاقة الإبن بالأب فيها شوي فراغ , يعني تحس يغلب عليها شويه طابع الجد , هل هو أنه احترام أو أنه بسبب ربما نرجعه إلى أن الأب ما يحتك بأولاده بكثرة مثل الأم بحكم ظروف العمل و غيرها .. ما أدري .

الأخوان ... اممم . فيه مزاح و فيه تعاون و تعليقات على بعض , و فيه قطيعة أو فتور في العلاقات , يعني يختلف الامر بالنسبة لكل عائلة , يمكن اللي لاحظته بالنسبة لفتور العلاقات أنه هالشي ربما ما يكون في العوائل اللي فيها فارق عمري شويه كبير و خصوصا إذا كانوا الأخوان متزوجين و عندهم أخوان صغار ! طبعا هذا اللي أنا ألاحظه يعني يمكن غيركم يلاحظ شي غير .


و يبقى لكم التعليق عن علاقاتكم مع أهلكم , و بس .

و دمتم سالمين