نصايحكم عن الأماكن الزينة
 

السلام عليكم

في البداية قررنا انا وبعض الشباب الذهاب إلى رحلة لمدة 5_6 ايام واخترنا مدينة ينبع وبعدين قلنا نبعد 130 كيلو ونروح للساحل ( املج ) وقال واحد من العيال انه فيه مكشات حول ينبع ( نسيت وش اسمة ) يقول زين وفيه ماء وحنا نيتنا كستة وتخييم من دون خيام ( احسبوه عاد ) يعني مكان جيد للنوم والوناسة وابي منكم الله لا يهينكم شوية معلومات

بسم الله

اولا بالنسبة لأماكن الجيدة والجميلة حول ينبع غير الساحل وش اسمائها وهل هي تنفع لغرضنا

ثانيا الحو هل هو مناسب للنوم لأن معنا ناس ما شاء الله عليهم كاسيهم الشحم ولا يدانون الحر وانا منب بعيد عنهم بالحيل ههههههه

ثالثا اماكن النوم بالساحل او التخييم هناك جيدة وجميله وهادئة ولا مليانة بالناس وحوسة

عاد الله يعافيكم يا اخوان علومنا وش نسوي تراي ما عمري طبيت لا الساحل ولا ينبع ابد
وما ودنا نحتاس ونتوهق وحنا ناس ما تحب الشقق والغرف والضيق فلا تبخلون علينا بنصايحكم وإن شاء الله إذا توفقنا ورحنا اني ابدعي للي نصحنا وساعدنا لأنه هو سبب توفيقنا بعد الله سبحانة وتعالى

واسف على الإطالة وسلامتكم