خبر عاجل بخصوص فتح محل الاسلحه بالقصيم
 

السلام عليكم ورحمة الله وبركاته .. يااخوان انا توني جاي من القصيم رحت على شان اشوف المحل اللي يبي يفتح على طريق الملك عبدالله .. طريق الشاحنات مقابل محل السنيدي .. رحت لم محل السنيدي على شان استفسر على المحل قابلت رجل ثقه يشتغل في المحل وسألته عن المحل وكيف وضعه وهل هو محل صيانه يعني تصليح بنادق ولا بيع اسلحه .. قالي لو انك تقدمت عشر دقايق كان قابلت العبداللطيف راعي المحل وتاخذ منه العلم قلت مامداني عليه وابي العلم منك .. قال الحين العبداللطيف معطينه تصريح مبدئي بفتح المحل والمحل خاص ببيع الاسحله وهذا من لسان العبدالطيف بس المحل تصريحه مبدئي ويبي التصريح النهائي قلت يعني كم يبيله تقريبا قال والله مدري وحتى العد اللطيف مايدري لانه بس عطوه التصريح المبدئي ويحتري التصريح النهائي قال حتى راعي المحل مايدري متى يعطونه بس هو استعجل في حط اللوحه وتجهيز المحل قلت يعني يبيله اسبوع تقريبا قال لاياشيخ واحتمال بعد يشيلون منه المحل لان بالقصيم مسموح لخمسه اشخاص في فتح المحل والعبدالليطف من ضمنهم وكلهم جتهم التصاريح المبدئيه ويحترون النهائيه ولا بعد استاجرو محلات قال هذا خويي استعجل وحط اللوحه قلت له ابشتري انا بندق تنصحني اصبر ولالا قال والله مدري عنك اما من ناحية المحل يبيله فتره طويله وعساها تقضي بسرعه وعساها بعد ماتشال عنه رخصة التصريح هذا من كلامه واشوف في لوحة المحل رقم رخصة المحل مكتوبه في اللوحه .. بس اللي اكده لي ان المحل لبيع الاسحله وهذا من كلام العبداللطيف اللي قاله قبل قدومي له بعشر دقايق .. تاريخ طرحي للسؤال 2\2 فبرايرههههههههههه بس لتأكيد موعد طرح السؤال... واسف على الاطاله وشكرا لكم