|
يالمعتزل هذا هو المقسوم من رب العباد...وشيخ الحرار ان راده الله ماهدينه,,,,ذراع الذيب ماشالله تبارك الله السلام عليكم ورحمة الله وبركاته,, مساكم /وصبحكم الله بالخير اعضاء ومشرفين وزوار منتديات مكشات,, كيف حالكم عساكم طيبين كلن بأسمه من الصغير للكبير جيناكم اليوم بسالفه,, من سوالف طرح الطيور وارجو من الله ان تحوز على رضاكم وترتقي لذائقتكم,, , علمني بهالسالفه عبدالله الحرازي وبلسانه يقول علموني خوياي عن فرخ شياهين حصلوها في احد العمدان وحاولوها اليوم الاول وماجابها الله واليوم الثاني ومالله راد انها تنطرح والشيهانه ماتترك المنطقه حاولوها لمدة اسبوع تهد على الزريق ولاتمسكه تنش عليه نشش وماخلو طريقه الا وسوها ماهي مكتوبه لهم وقالو لي ياعبدالله رح لها,, امكن انها مكتوبه لك والمنطقه تبعد عني تقريبا مائه كيلو ماهي بعيده واجهز زريقي وتوكلت,, على الله وصليت الفجر بالطريق وصلت المنطقه على وصف خوياي وجيت بحراويها قريب,, من العمدان اللي حاولوها فيها واراقب المنطقه واسبر بالدربيل وانظر يم الجبال والمزارع,, وشوي يم العمدان وعلى هوني احرك الدربيل من منطقه لمنطقه ويوم اني وجهت الدربيل شوي,, للعمدان ولا الطير اللي خارج من جهتها بعيد عني طالب هدد يم المزارع مااقدر ارخي الدربيل عنها,, اخاف اضيعها وابي اعرف وين وجهتها وكانت متوجها يم مزارع لكن تعدتها ويالله يالله اشوفها,, بالدربيل وبعدها اخفيتها واحط صدام الجيب بالمكان اللي اخفيتها فيه ويوم اني جيت بحروتها,, تركدت ودورت عليها شرقت وغربت الين جات الساعه 8,30 وماحصلتها وجيت ابي اخرج للخط,, السريع ابي اعود للبيت وكانت فيه عمدان جنب الخط قلت خليني اكشفها بالدربيل وبعدها ابي,, امشي وشديت الدربيل للعمدان البعيده والعامود القريب مني ماطالعت فيه وصاح علي رفيق الدرب,, ولدي عبدالاله(عبادي اسم الشهره بالجهاز علشان مايزعل هههههه) شوف الطير بالعامود سبحان الله,, كنت ابي امسك الخط من عندها اخبر خوياني قالو انها تنش على الزريق المثقل ولاتمسكه واجهز.. شبكه ارضيه قدامها وهدت عليها سبحان الله ولا قربتها جات جنبها وتنش بالارض في الخلا الخالي,, وترجع بالعامود وجهزت حمامه بشبكتها واحذفها لها طلق بدون ثقاله بمهمل طويل(خيط) وتطلب الحمامه,, ماشالله تبارك الله وتطردها ويوم قربتها نشت عليها وارتفعت وعقربت عليها ومسكتها دقايق وهي على وجها,, عالق ماشالله في اربع عيون ,, (وراحت الشيهانه هديه لواحد من خوياه يستاهل الاطيب) , , الشيهانه على التكيه مثل وقعها بالعامود,, ماشالله تبارك الله,, , , , , , , , واعذرونا على عدم وضوح هالصوره,, , , , تقهوى يالمعتزل واضبط الكيف,, , , يامحلا عقب طرح الوحش حكرت البراد ........................................براد شاهي من قروم السمر حاكرينه والوحش على وكره ومن حواليه الاجواد .......................................شوفه طرب لوماهوب حنا طارحينه يالمعتزل هذا هو المقسوم من رب العباد ........................................وشيخ الحرار ان راده الله ماهدينه , , , واعذرونا على القصور,, في وادعة الله |
| الساعة الآن 02:13 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir