زيت القير ناقص ومحروق ............... ممكن أحد يقولي وش السبب
 

السلام عليكم ورحمة الله وبركاته

شباب بغيت اشتري سياره وأخذتها للفحص قبل اشتريها

السياره فورد 150 دفع رباعي موديل 2005 ماشيه ميتين الف كيلو (130 الف ميل)

نتيجة الفحص طلع فيها التالي

زيت القير ناقص ومحروق . الي فهمت ان زيت القير لما ينقص ينحرق

الي سوى الفحص قالي انا مستغرب مافيه أي تهريب زيت من الخارج وماني عارف كيف نقص زيت القير (بين قوسين وبشويش همس لنفسه وقال يمكن انفك القير من قبل)

قلت له انفك القير؟؟؟ قال يمكن ولو ان تاريخ السياره الي عندي يوضح انه ما صار عليه شغل من قبل

سألته عن ميكانيكيه القير كيف هي ؟؟ قالي تمام مافيه شي بس اذا ماتغير الزيت وتعبت زيت جديد راح ينعدم القير.

مادري وش رايكم وش الي سبب نقص زيت القير و خلاه ينحرق وهل هي مشكله فعلاً ولا على قوله الي فحصها يقول القير تمام وماعندك مشكله اذا عبيته زيت جديد؟؟

الشور ياجماعه , مع العلم ان السالفه كلها صارت بأمريكا, السياره والفاحص والمفحوص

وتسلمون ومشكورين مقدماً