قالوا علامك تركت الشاص ياخالد = وانته من اول تحب الشاص واصحابه

قلت الزمن دار واصبح وقتنا جاحد = الشاص كثروا سواويقه وركابه

من اول مايسوقه غير من جاهد = جاهد ظروف الزمان ويفتل اشنابه

يسري المساري وغيره ياعرب راقد = يقضي لزومه وكلٍ يحسب احسابه

مسراه من ديرةٍ فيها القمر شاهد = وسلاحه الروسي الي تلمع اخشابه

واليوم ساقه من اجناس العرب واجد = خكري ودلوع والي ضيق ثيابه

مجلاسهم على الرصيف وعزمهم بارد = اكرمهم الي يقرب فول وقلابه