الباثفيندر ذبحني ياناس
 

السلام عليكم ورحمته الله وبركاته


ياجماعة انا عندي باثفايندر 2005 وضبته عند ورشة الجربوع في بريده قبل 5شهور اول ماطلعته وجلست اسبوعين

صار بالماكينه طقطقة رجعت لصاحب الورشة وقلتله عن المشكله قال حنا ضماننا عن نقص الزيت رحت

لورشة ثانيه فكو الماكينه لقو الصبابات ماركبن زين يعني مثل رقم واحد مركب بداله رقم ثلاثة والعكس

زينت الموتر وكلف علي عند المخرطة حول 3000 ريال والتوضيب عند ورشة الجربوع كلف علي حول

7000 الزبدة طلعته من الورشة وجلست شهر تقريبا والحين ياجماعة الموتر يدخن وديته لصاحب الورشة اللي

هو الجربوع يوم شافه قال هاذا شمبر قلتله الظمان ماخلص الى الحين والموتر ينقص زيت قال اكيد انك ماشي

عليه وحرارته مرتفعة الزبدة الموتر ماكد ارتفعت حرارته قالي الضمان يروح اذا كان الموتر مرتفع حرارته

تهاوشت انا وياه وقلتله الله لايوفقك وطلعت وخليته

انا والله ماخلاني اكتب الى القهر اللي فيني ياجماعة قولولي وش اسوي الحين الموتر يبي توضيب جديديعني يبي

يكلف على اقل شي 5000 وانا والله مادري وش اسوي اروح اشتكيه ولاشسوي ياناس اللي عنده حل لايبخل

علي ياجماعة وهاذا رقم جوالي 0558158868