منتدى استراحات زايد - سالفه قصيره(((((لاتقوتك)))))

سالفه ماهي طويله وان شاءلله تعجبكم

هذا شخص عنده غنم (معزا)يجيلهن ست او سبع دخلهن للسوق يبغى يبيعهن
المهم وصل للسوق وحرج عليهن على وحده وحده باعهن كلهن ماعدا وحده كانت كبيره كديش مالقت
من يناظر فيها لاتنفع لاطبخ ولا شوي
صاحبنا هذا حاول يبيعها باي شي يبغى يتخلص منها ماكتب الله لها بيعه
المهم الرجال صاحي بدري على شان يلحق السوق لعله نعس شوي والعنز رابطها بحبل ورابط الحبل بيده
خايف عليها تهمل
المهم الرجال كان اصبع رجله في جرح مدوحس مايبي شي يلمس هالاصبع المدوحس يخاف عليه من الهواء
والماء وحريص ان مايجيه شي

وكان رابط هذا الاصبع بكيس نايلون عن الغبار والاوساخ ومثبته زين يشطرطون اخضر
المهم الرجال نائم والعنز بجنبه
لعلها شافت هالشطرطون وهي عاد كبيره قليلة شوف وتحسبه شي يوكل المهم وتقرب يمه وتعض عليه باقوى ماعندها
الا والرجال يزعق بوسط السوق من شدة الالم حتى تفطرت كبده من الاوجاع
تخيل شكله وهو ماسك العنز بيد واصبع رجله باليد الثانيه
على العموم فك الحبل اللي اغلى من العنز وقال لها روحي
الله يسترعلينا وعليك
بس لاشوف رقعة وجهك مرة ثانيه
وصدق من قال اخس الدبش هي اللي توذيك
انتهت ان شاءلله اعجبتكم فقط لتحريك الخيمه
تحياتي للجميع
الشيخ مسكين
خيمه السوالف الشعبيه مكشات