منتدى استراحات زايد - كل ما يتعلق بكمية الزيت ودرجاته والبنزين للسفاريات ( 6 ولا 7 علب ) الاثبات بالصور

السلام عليكم ورحمة الله وبركاته .
في البداية اذا كنت ممن يستشير (البنشري) او مراسل وكالة (يقولون) فاغلق الموضوع وشف موضوع ثاني http://www.nissan-arabia.com/vb/imag...es/biggrin.gif

اما اذا كنت تستشير الشخص اللذي صنع سيارتك واخترعها فواصل القراءةhttp://www.nissan-arabia.com/vb/images/smilies/cool.gif

حينما تسأل الكثير عن مقدار زيت الفتك فستجد للاسف الشديد انواع الفتاوي!
البعض يقول 8 علب بدون سيفون وبسيفون 8 ونصف!!
والبعض بدون 7 ومع 7 ونصف او ربع الخ الخ
قلنا ياولد مالها الا صنّاعها خذ من راس ( توشيوكي شيجا)
وفتحنا الكتالوج :

http://nissan-arabia.info/Mlffat/files/98.jpg

وفتحنا القسم المخصص بالزيوت واخترنا نوع محرك الفتك وكانت النتيجة كما في الصورة :

http://www.nissan-arabia.com/vb/imag.../wol_error.gifتم تصغير هذه الصورة ... نقره على هذا الشريط لعرض الصورة بمقاسها الحقيقي علما بأن مقاسات الصورة قبل التصغير هو 670 في 480 وحجم الصورة 159 كيلو بايتhttp://nissan-arabia.info/Mlffat/files/99.jpg

كما ترى امامك عزيزي القارئ ان مقدار الزيت مع الفلتر هو 6.7 يعني تقريبا سبع علب الا ربع.
ومقدر الزيت بدون فلتر هو 6.5 يعني ست علب ونصف.
هذا كلام كاتلوج السيارة وليس البنشري اللذي يتمنى يعبي لك 10 علب لانه هو الربحان !
طبعا استدلينا على نوع المحرك المطلوب محرك الفتك ذو الرمزTB48DE عن طريق حديدة مواصفات السيارة داخل كبوت السيارة (غطاء المحرك) كما في الصورة :

http://www.nissan-arabia.com/vb/imag.../wol_error.gifتم تصغير هذه الصورة ... نقره على هذا الشريط لعرض الصورة بمقاسها الحقيقي علما بأن مقاسات الصورة قبل التصغير هو 700 في 525 وحجم الصورة 163 كيلو بايتhttp://nissan-arabia.info/Mlffat/files/100.jpg

هذا الرمز هو رمز محرك سيارتك الفتك وعن طريقه تعرف المحرك المطلوب والمقصود في الكاتلوج .

انتهينا الان من قضية كم مقدار زيت الفتك كما اوضحنا وشاهدنا في الكاتلوج ..
السؤال اللذي يطرح نفسه لماذا هناك فتاوى مختلفة ومتضاربه في الكمية 7 علب ،8 علب الخ ؟؟
الجواب هو لانهم بنوا المقدار وعدد العلب على عيار الزيت ( بالعربي قارين العيار بصورة خاطئة)
كيف يعني ؟؟
الصور تغني عن كلامي طبعا من الكاتلوج :

http://nissan-arabia.info/Mlffat/files/101.jpg

لو تلاحظون السهم الاحمر ابو علامة X امام الثنية او العفط على عيار الزيت هنا يلخبط الكثيرين ويعتقدون ان الزيت يجب ان يصل الى هذا الحد فلذالك يزيدون علبه او علبه ونصف عن المقدار الطبيعي!!
مع انه في الكاتلوج كما ترون امامكم موضحين انه زاااااائد عن الحد !!
وان المقدار الصحيح هو عند الخط اسفل الـ H

ننتقل الان الى نقطة اخرى وهي نوعية الزيت وحسب علمي ان زيوت محركات البانزين عندنا في الخليج نوعين الاول (القديم) صاحب الرمز 20 دبليو 50 والثاني صاحب الرمز 10 دبليو 30
طبعا الافضل مواصفات هو الاخير 10 دبليو 30 وهو ما استخدمه شخصيا ويتحمل اكثر
طبعا في الكاتلوج ناصحين باستخدام 5 دبليو 30 وهذا حسب علمي غير متوفر لدينا
وواضعين انواع الزيوت او بالاصح ارقام الزيوت الاخرى حسب الافضلية ونلاحظ ان 10 دبليو 30 ياتي في المرتبة الثانية مباااشرة وموضحين طبعا مقدار التحمل لدرجة الحرارة والبرودة :

http://nissan-arabia.info/Mlffat/files/102.jpg

وهذي صورة الزيت المطلوب والافضل وشخصيا استخدم سوبر شل :

http://nissan-arabia.info/Mlffat/files/104.jpg

وهذا ابو علبه حمراء في المرتبة الاخيرة ولاحظ الرقم والمعذرة على ردائة التصوير :

http://nissan-arabia.info/Mlffat/files/103.jpg

شخصيا اشتري من النوع الاول وهو 10 دبليو 30 ولا اتعامل الا بالكترون ( ارخص بكثير من البنشري)
البنشري يبيعك العلبة بـ 14 ريال !!!
ولو تشري كرتون من محلات الجملة(الكرتون فيه 24 حبه) الكرتون بـ 216 ريال تطلع لك العلبة بـ 9 ريال يعني تفرق معك 5 ريال في كل علبة!
اذا قلنا بتحتاج 7 علب في كل تغييرة زيت راح تكون النتيجة هي 7×5= 35 ريال وفرتها في جيبك :)
وخذ العلب معك ورح غير الزيت عند البنشري بـ5 ريال شغل يد بدون سيفون وبـ 10 ريال مع السيفون ..
صراحة فرق يستاهل العنوه ... والا؟

ننتقل الان الى نوع البنزين وهو معروف عند الغالبية 91 ولكن البعص يصر على نوع 95 يمكن يبغى يدفع اكثر :)
وهذا الكاتلوج وخذ العلم منه :

http://nissan-arabia.info/Mlffat/files/105.jpg

هذا ما احببت ان اوضحه لاخواني مستخدمي الفتكات ..
واعيد واكرر استفتي دليل المستخدم وخل عنك وكالة يقولون والبنشري!!
والسلام عليكم ورحمة الله وبركاته .
الموضوع حصري لنيسان اريبيا ولامانع من النقل مع ذكر المصدر.
اخوكم
ابوسعد2005

منقول للفائدة مع لعلم أنني لا احب النقل ولا كن الموضوع مهم جداً واردت أن يستفيد منه اصحاب النياسين الغالين لانني كنت اصب علبه زيادة حسب كلام البنشري والان اتضحت الصورة مع لعلم اني رجعت للكتالوج في البداية ولاكن العيار ما فهمته لا من هذا الموضوع المصدر نيسان اريبيا مع الشكر للكاتب