مشتاق انا لاوجيه بعض الصقاقير=اللي لهم عرفن بعلم الصقاره
نجايب المقناص شيّالة الطير=بايمانهم فاز القلم باختباره
دلايل النوهات نسل الهزابير=سمايحن فازوا بقسم الشطاره
بالبيد ما يشكون عوج المداهير=يرضون بالمقسوم في كل قاره
طبايع البلهان من غير تقصير=والراي صايب والحقوه استخاره
ما يرتخون لدون حمّالة الخير=على النوايب متقنين الجباره
ما ينثنون بسير من دون تبرير=واليا ترا مدوا على اول نهاره
جلساتهم تزهاها عكف الدناقير=باوكارها مثل الرجوم بزباره
على الغضا ما يشعلون الدوافير=ما همهم رعي الغنم والتجاره
ولا همهم تجميل روس المقاصير=ولا همهم قصر الرخام وعماره
ما همهم غير العشوب المزاهير=والخرب الابرق في دعوب السماره
هذا هواهم مبعدين المسايير=ما هقوتي في معرفتهم خساره