|
نكهه هنديــه بطواجن بكستانيــه ولمسات سعوديه ........ دوسـريــه كـول السلام عليكم ورحمة الله وبركاته كثرت الاطباق بالطواجن وقلت اجرب خصوصا اني من المغرمين إيام الطفوله بااكل الطين للان .. ماادري وش السر اللي يجذبني للطين اكثر من ورق العنب ! خصوصا بعد رشة مطر ع طين طعم (شيء فوق الوصف ) طلعت لمحلات الفخاروالاواني واخذت طاجن بكستاني ومن زود الحماس اخذت اكبر مقاس ؟؟ احترت بالبدايه اي طبخه اسويها فيه ورسيت ع الهندي : كبسة بالبازلا والكاري .. وايدام ماسلا بالخضار والدجاج وان شاءالله تجربونها خصوصا الايدام طعمه خرافي .. واللي ماعنده طواجن لازم يشريها بقرب فرصه ويجرب الطعم الخاص لايفوته للكبسه كاستين ارز الوليمه منقع نصف كوب بازلا نصف كوب بصل مفروم نصف كوب كزبره حبتان من مطيبات الطعام وبهارات مطحونه ملعقه (كاري ..كركم .. لليمون اسود ..) وبهارات صحيحه ماجي وفلفل حاار حسب الرغبه وللايدام (الماسلا) صدور دجاجه مقطعه مكعبات حبتان بطاطس مقطعه مكعبات ومثلها جزر .. وبصل مفروم ومكعبين من مطيبات الطعام(زنجبيل +فلفل رومي + ثوم ) مخلوطه ومطحونه والكاس بالخلاط وضعنا ( حبتان طماطم + ملعقتين معجون طماطم + علبه كبيره حليب جوز الهند+ ) ملعقتين حليب بوده جوز الهند وبهارات وماجي 4 زبديات صغيره من الفخار 4 حبات عجينة البف باستري الطريقه بما اني مانقعت الارز وكنت مستعجله سلقته ربع سلقه بقدر ستيل قبل وضعه بقدر الفخار وضعت قطرات زيت ثم البصل وثوم والكزبره بالطاجن والكاري وبعد التشويح وضعت الارز وملعقة سمنه وماجي وتركته حتى الاستواء ع نار هادئه جدا نااتي بقدر للايدام ونضع فيه البصل والثوم والزنجبيل وبعد مايذبل البصل نضع الدجاج ويحرك لمدة 5 دقايق وبعدها نضع جميع الخضروات وكاس الطماطم مع حليب جوز الهند ورشة الكزبره ويحرك قليلاً ويترك حتى ينضج لمدة نصف ساعه http://img121.imageshack.us/img121/6908/kooool7.jpg وبعد النضوج يوضع عليه ملعقتين من بودره مسحوق جوز الهند ويحرك حتى يمتزج تمام بعدها نضع الايدام في الزبديات الفخاريه الصغيره ويفرد عليها عجين البف باستري يفضل عدم اخذ عجين البف باستري وتركه خارج الفريزر لمدة طويله حتى مايتلاصق اثنا الفرد مثل مانحست معه توضع بالفرن من اعلى لمدة 10 دقائق .. لاتنسونه البف باستري سريع الاستواء والاحتراق ! http://img193.imageshack.us/img193/252/kooool11.jpg وهنا صورة للارز بعد الاستواء ورائحته اللي تخبل وبعد مانتهينا من الفرن وواضح اثرالتقمير مواحتراق جربوا هالطريقه بذات كلمة رووعه قليله عليها * * * * ماشاء الله والصوره الاخيره اهداء لاول رد صحتين ،، ولاتحرمونا من دعواتكم الطيبه دمتم بود |
| الساعة الآن 01:57 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir