ياللي من الدنيـا شكيـت الغليبـه=اعلم ترى الاسلام هو خير الاديان
من جنب الصعبات حـدر شعيبـه=مع البشر عكس البشر لوهو انسان
وصكات بقعـا لـلاوادم صعيبـه=لكن الحمل يـازاد شالـه بليهـان
ومن دور المجنـا يعـرب نسيبـه=وكلام خير الخلق هو خير برهـان
وانـا كلامـي للعقـول اللبيـبـه=ولااقول انا هرجي مثبت ووكـدان
كلا علـى ماقيـل عرفـه يجيبـه=وانا مع الشعار في نظـم قيفـان
العلم هو حمض الرجـال العريبـه=وماقل دل ويشهد الشيـخ راكـان
والهرج يامنـه كثـر بـه معيبـه=ويصبح كثير الهرج خايب وندمان
واللي مشا وضح النقى زال ريبـه=لاالناس قالوا به ولا قـال بفـلان
والحر منزالـه بـراس الجذيبـه=والتبع واشباهه مثل طير برمـان
والدلو لـولا رشـاه وش ينبغيبـه=يموت راعيها على البير ضميـان