سجيت للبران هتاش واقصيت 0000000 دون اللعاعه لين سمرا الجويه سجيت للبران هتّاش واقصيت=دون اللعاعه لين سمرا الجويه ولقيت في بطحي قميري وغدّيت=زان الخلا باطراف ذيك النحيه بالباثفندر في طريقي تراسيت=مدّيتها بين العريق وطميه رحت لشمال النير وادلجت واقفيت=لين استوا الممشا ونفسي رضيه جيت النجج واقصيت لارطاوي حليت=وارخيت في جمران والشمس حيه وامسيت في طخفه وفيها تعشيت=مبيتي فيها ما على البال سيه يوم اعتلا بدر الدجى واسفهليت=دليت اطورق حولي الشاذيله قضيت ليلي بين يا رب يا ليت=دعيته التوفيق باخلاص نيه اليا بغيت النار قمت وتواسيت=والحقتها سمر الضلوع الخليه حقيقه اني بالخلا ما تعنّيت=هذا هوا كيفي بليا دعيه هذا الولع ما دون مسراه عييت=ما دام تهواه النفوس النقيه ما قلت انا راس الردا داخل البيت=مير النفاهه لذتن كايفيه من راح للبران كشتات ويبيت=يذوق سجات الدروب الحليه بقيت انا لين ابتدا الفجر وصليت=لين استبان النور دون ضحويه مشيت للديره عقب ما تسليت=والبال ذاق من الصحاري سليه يوسف الخليفة ( أبو عبد الله ) |
الساعة الآن 03:50 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir