كيف تقود سيارتك على المطانيج
 

السلام عليكم

المطانيج وما ادراك مالمطانيج

قبل يومين كنت في التنهات وانا مبطي عنها حصلتها كلها مطانيج من الكشاتة، ثم هزعنا للدهنا، ومن الدهنا للصمان، واكثر ما قابلتني المطانيج في التنهات في المقام الاول ثم الصمان في المقام الثاني.

كيف تقود سيارتك بطريق فيه مطانيج هل تطلع على الخط اذا كان الخط ترابي مثل طرق الصمان، وبعض الطرق اذا مشيت فيه مايمديك تطلع عنه اما لوجود قشع كثيرة على يمين الخط ويساره او لوجود طين او اي سبب يجعلك ماتقدر تخرج من هالطريق.

انا جربت اخفف السرعة مع المطانيج وحصلت انها تنفض السيارة نفض اقشر، وزدت السرعة وخفت بشكل بسيط.

وجربت نزلت هواء السيارة وتحسن الامر في النفود، لكن جربت تخفيف هواء السيارة في الصمان وانشق الكفر.

وش تسوون مع المطانيج يالسواقين.