منتدى استراحات زايد - مشكلتين في الكامري : في القير وتغيراته , وتفتفة والسيارة واقفة .

أولا بسم الله الرحمن الرحيم

كامري2002 . قير تماتيك
ثانيا : القير سلمكم الله تغيراته حلوة وسلسة . بس فيه التغييرة الرابعة تحس فيه دقة بسيطة . مايلاحظها إلا واحد دقيق .
وإذا ثبت السرعة مثلا على 130ومافوق(طبعا الموتر مريح) وفكيت البنص . ودسته مرة ثانية يمشي شوي ويدق دقة بسيطة . ؟ ---- هذي وش حلها ولا وش مشكلتها ولا وين أحسن ورشة في القصيم ؟

آخر شي : التفتفة . الموتر كان بااااااااارد (البلف مفكوك والمراوح تشتغل باستمرار) يعني الحرارة مافيه امل ترتفع واحد ملم وأموره تمام من ناحية التفتفة . بعدها رجعت البلف وضبطت المراوح على التماتيك . وصار الموتر اذا مشيت مافيه اي شي . واذا وقفت وقوف تام . يصير الانبير يطلع وينزل بمقدار شرطة في الانبير(يتفتف) . يعني تحت رقم 1 . أيضا وش قد تكون المشكلة . ووين أحسن ورش في القصيم لهذه الشغلات .

هدفي من الموضوع تحديد مشلكتي عشان اذا وصلت للفني يكون عندي علم بالمشكلة قبل ما يستغل و يشتغل. وأيضا لكي تعم الفائدة .

وسؤالي الاخير يخص المشرفين ؟؟ هل نقدر نحط رابطة ملاك الكامري على طاري تعم الفائدة ؟:)
وسلامتكم .