|
ندآء وأرجو التثبيت ..اجمل ربيع لعام 1431 هجري ولم يكشف لأحد 29/1/1430 السلام عليكم ورحمة الله وبركاته أولاُ امسي على جميع الاعضاء بكل ماهو خير طبعا حبيت الفت الانتباه بعنوان الموضوع ولكن (الموضوع) مختلف عن العنوان اخواني الكشاته ذكروا اخواننا فب مواضيع عده عن النظافه وسلامة بيئـتنا وأنا الآن اعيد واكرر ماذكروه (ذكر فإن الذكرى تنفع المؤمنين) يااخوان اقسم بالله قمنا نتكدر ونتحسر على مايحدث في الفياض واماكن الربيع تعب الجميع من اخواننا وهم ينصحون ويتكمون في تلك المواضيع ولكن للأسف لا سامع للنداء اخواني هداهم الله بس من هو لا يستحق الربيع ولايستحق الوصول اليها مدري نسوي حمله خيريه ونعطيهم وانتو بكرامه اكياس نفايات وغيرها الواحد يجي يبعد عن جو الديره وبعيد عن الازعاج والضوضاءوالجوال ولكن يتحسر على تلك المناظر الغير حضاري واللتي ليست من طبع المسلم يأتون الشباب وسب وشتم وازعاج وتفحيط وياليت وقفت على كذا بل خمر ودخان وشيشه الله يفك مبتلييهم يارب العالمين ولا جا يمشي ترك جميع النفايات ومشى وياليت مجموعه بل كثير من المجموعات الى ان نأتي والله العظيم حتى مكان ماتقدر تجلس فيه اقسم بالله الواحد مايدري وش يسوي مع هذا النوع تعب الجميع من اخواننا الاعضاء ونحن نتكلم ونعيد ولا في اي فائده ونتيجه من البعض بل والكثير هداهم الله نحن نقول دع المكان افضل مما كان وهم حسبي الله ونعم الوكيل يتركون غثاهم واوساخهم ويمشون طيب المكان لك ولغيرك والارض والمكان لك عليها حق .. زجاجات خمر - اوساخ وكثير غيرها احتطاب جائر - صيد بغرض التسليه وتركه - نفايات - تفحيط - تهور- سرعه - كأنهم اطفال بل يكمن الطفل اذا قلت له مره مرتين عيب عرف ان هذا الشي عيب ولا عاد يسويه اول تجلس بالفياض تستغرب اذا مرت عليك سياره واحين ؟ ؟ ؟ على سبيل المثال امس -مريت غرب الصرار 20 كيلو قلنا نروح نوسع صدرنا ونتغدى ونتقهوى ونعين من الله خير وصلنا والله العظيم حتى الكاميرا ترفض انها تصور والسبب 70% من الفيضه اوساخ حتى اني يوم اخترت مكان للجلوس والله ياااخوان جلست انظف بعد غيري وغيرها من الفياض تفحيط قلة حيا ازعاج نفايات وش يضرك اذا جيت تمشي تجمع جميع اوساخك ونفاياتك وتبعدها عن الفيضه وعن اماكن الجلوس وش يضرك والله يااخوان التنظيف لايأخذ وقت كلها دقائق وانت مشكور ولك بوسه على خشمك وراسك بعد يااخوان اقطعوا الاحداثيات في الاماكن اللتي بعد مااعرفوها هؤولاء المتطفلين يعني لمن يجمع له قروب لاصلاه ولا ولا ولا ولا وفوق هذا اوساخ ونفايات حتى الواحد ماعاد يلقى له مكان يجلس فيه ياخي جمع اوساخك وابعدها الله يجزاك خير ولك الاجر ياإخوان انا مستعد اوفر حاويات للنفايات مثل اللي في شوراع احياءنا وعند بيتونا والله مستعد واللي يبي يشاركني ويوافقني يراسلني على الخاص ونحط بجانب الفياض اللتي لاتوجد حاويات بجانبها مستعد احط حاويات صغيره بداخل الفياض واااكثر من واحده على الاقل يمكن يحسون وينظفون اماكنهم اذا صارت بجنبهم وقريبه منهم انا مستعد يااخوان وارجو التثبيت وموافقتي الرأي وأخير أعتذر على الاطاله وعلى اعادة تكرار نفس الموضوع |
| الساعة الآن 09:13 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir