ليش نحرم الأطفال من الألعاب!؟
 

السلام عليكم

بصراحة لفت انتباهي بعض العوائل تمنع أطفالها من شراء الألعاب
ومن اللعب بها أصلاً!

بعض الأطفال لمن يجون يلعبون مع ولدي تقول كأنه ما عندهم ألعاب في بيتهم!
ولا شايفين ألعاب بالمرة!

البعض لما أسأله يقول: عندنا ألعاب بس أمي ما ترضى نلعب بهم تالي يعتفس البيت!

والبعض من الأمهات لمن تشوف ألعاب حمودي تقول أني ما أشتهي جدي (طبعاً حمودي عندهم ولد مدلل وكل شي عنده وطلبه غير مرفوض) .. أطلّع لهم بس لعبة لعبتين والباقي أخشهم!

وين تخشيهم! .. عجل ليش شريتي الألعاب من أصل!

يعني كم بيكلف عشان تشتري لعبة للطفل يستانس بها .. 5 ربيات .. دينار، 5 دينار، 10 دينار بعد مو شي قبال فرحة ولدي
وكل واحد يقدر يفرح ولده على حسب ميزانيته
ولا يخليه مكسور قدام الناس ولا يصير ملهوف على لعبة غيره :dots:

آرائكم يا أمهات وآباء