السلام عليكم

حبيت اطرح بعض تجاربي مع الباثفيندر يمكن يستفيد منها غيري

معاي باثفيندر 2003

طبعا من اكثر المشاكل في الباث: الحراره

ولها اكثر من طريقه لحلها

1-المروحه تغيرها كامله مع قاعده البكره الي فيها لانه اوقات دورانه يكون بطي
2- تنظيف الرديتر
3 - هنا اهم الحلول الي هو تغيير البلوف الامامي والخلفي
4- الحل الاخير فكيت الثلاجه في الورشه

والمشكله انحلت تماما وحراره السياره صارت مره بارده



مشكله لمبه المكينه


لها اكثر من مشكله واهمها حساس الهواء الموجود في بيب الهواء الممتد بين الفلتر الهواء والمكينه
طبعا قطعه بلاستيكيه صغيره تدخل في البيب بالعرض سعرها 290 ريال وتركيبه مره سهل تقدر تغيره بنفسك وبيد وحده بعد يعني بالعربي مايبله ورشه الشرح قريب راح اطرحها بالصور

ومن اسباب تعطلها فلتر الهواء التقليد
الموجود في البناشر
وافضل شي انك تأخذ الفلتر من قطع الغيار





مشكله لمبات البريك الخلفيه ماتشتغل عند ضغط البريك
السبب الرئيسي هو سويتش البريك سعره اصلي 90 ريال يوجد خلف دواسه البريك وراح انزل صور لجميع المشاكل قريبا





مشكله نقص الزيت

انا كنت اعاني منها وطلع عندي مشكله في الصوفه او القاز قيت الي بين راس اليقر والماكينه
يهرب منه زيت على خفيف وهنا لازم تفك القير عشان يغيرون القاز قيت
طبعا كلفني فكه شغل يد 700 ريال وقطعه القاز قيت ماتجي بلحاله تجي كامله مع قطع ثانيه تقربا 200 ريال