منتدى استراحات زايد - ودي اموت اليوم واعيش باكر

السلام عليكم ورحمة الله وبركاته

صباح..مساء ""الجوري

شخباركم ؟؟

عندي شعر كل يوم اسمعه واسمع غيره بس هذا شدني كثييير
وياليت تعطوني رايكم

عندما يكون الغدر حدث
من احداث حياتك اليوميه
والحزن كالعباده
واجب عليك عندها فقط
((ودك تموت اليوم وتعيش باكر ))

ودي اموت اليوم
وارجع واعيش باكر من جديد
لجل اعرف من هو على لود صادق
ومن هو .. بعد موتي
بطعنات الغدر بيزيد
ومن هو تمنى ان عمري باقي مديد

ودي اموت اليوم واعيش باكر
واشوف من هو بعد موتي فقدني
ومن هو حملني لين ذيك المقابر
واشكر انا كل من كرمني ودفني
وبشوف يرثيني انا كم شاعر
ومن هو تركني وماكتب شي عني
شخص تعنا لي مع انه مسافر
وشخص قريب وانا ميت طعني
وشخص يمثل دمعته ماهو قادر
وشخص تطيح دموعه كل ماذكرني
ومن هو من اهلي فالعزا كان حاضر
ومن هو دعا لي في صلاته ورحمني
ومن هو بنا باسمي سبيل ومنابر
ومن هو بفز قلبه الا من لمحني
ومن هو عشاني طول الايام ساهر
ومن هو ثلاث ايام وراح وتركني
ومن هو يرتب غرفتي والدفاتر
وان شاف صوره لي مات وحضني

يالله عسى ماتخفى كل المشاعر
ويالله عسى ماينصدم يوم ظني
خايف يروح العمر واكون خاسر
وان طار طيري مايفيد التمني
وخايف يجيني وقت اكسر خواطر
ان دارت الدنيا وزماني كسرني
ومدام هاذي الدنيا صارت مظاهر
وكل من على كيفه وجوه يغني
صحيح مسلم لكن الهم كافر
كل مابغيت اضحك يهددني حزني
الضيق وافي والحزن حيل وافر
والجرح اكثر شي شفته يحبني
عايش وميت بين ماضي وحاضر
والصبر مفتاح الفرج ضاع مني
قل وش تبي وتتركني ياحزني امر
مسكين فرحي تصدق انه وحشني
شاعر ...ولكني ماني بشاعر
ودي اموت اليوم وارتاح مني

م.ن

اجمل انسانه