منتدى استراحات زايد - استفسار عن خيمة التميمي

السلام عليكم
قريت اكثر من موضوع عن خيمة التميمي في هذا المنتدى واخذت لفه على المحلات واعجبتني الصراحه انها مناسبه لي وتوفي بالغرض وزيادة.
ورحت للغرابي على كلام الاخوان ولقيت فيه اثنين تميمي :)
واحد اسمه عبدالمحسن التميمي وعنده فرع في الغرابي وايضا لهم موقع كبير في على طريق القصيم جمب الهلال الأحمر
وهذا عنده الخيمه تتكون من طبقتين مخيوطه و ميزتها ان العمود الأوسط عريض واعتقد هذا اقوى للخيمة لكن وزن العمدان
والثاني محل برضو في الغرابي وما عنده فرع ثاني اسمه التميمي بس وعنده الخيمة تتكون من ثلاث طبقات مكبوسه موب خياط مثل الاول والعمود الأوسط مثل العمدان اللي بالوسط يعني موب عريض.

بالنسبه للاخوان اللي لهم خبره او اللي جربو وش رايكم اي المحلين افضل اخذ طبعا كلهم نفس السعر.

شاكر لكم تعاونكم مسبقا
:)