منتدى استراحات زايد - ام ترثي ولدها قبل تنفيذ حكم القصاص فيه لقتله ابن خاله ... حياكم ...

http://www.uaemusics.com/uploood/ima...9ys6rd271x.gif

السلام عليكم ورحمة الله وبركاته اليوم جايب لكم قصيده بقصتها مؤثره الله لايبلانا ويستر على المسلمين ....

الواقعه حقيقيه بالرياض

هذه الابيات قالتها الشاعره: عيده ام بدر المطيري التي حكم على ابنها بالقصاص
وقد تم تنفيذ القصاص العام الماضي .
لكن قصيدتها لا زالت راسخة بالأذهـان

وتقول ام بدر : قبل اربع سنوات كان ابني بدر يدرس في الصف الثالث في احد مدارس حفر الباطن .
تقول حدثت مضاربه جماعيه بين طلاب المدرسه .
ونتج عن هذه المضاربه وفاة ابن خالها مفرج رحمه الله
وقد قالت هذه القصيده تطلب من اهل الخير التوسط لدى خالها والدعاء بأن يتنازل خالها عن ابنها بدر ... تقول :

ياالله ياللــي بـــاب رحمــــتك مفـــتوح = دايم على طـول المـدى والليالـي

يالــواحـــد المعبود يا خـــالق الــــروح = علمك بحالي كافـي عـن ســؤالـي

ارحــــم يتيــم بين الابـواب مطــــروح = نفســـه تردد فيه والجســـم بالـي

ســر ياقلم واكتب جـوابي على اللوح = وســـطر بيوتـ مثـل نظـــم الريالـي

مـــدادها مــن عبـــره جـــالها فــــوح = من وهــــجن بالقلب ضيق بحــالـي

وبلغ سلامي حـرب ســالم ومسروح = من الخــليج الى اليمـن والشمالـي

واهل القصيم ونجـد والـــواد ابـو دوح = والســـاحل الغـربـي وذيـك التلالـي

عينــي تهــل الدمع والقلب مجــروح = مير افـــــزعــــولي كلكـم يـا خوالـي

الورع في ســـجن الحفر وامـه تنـوح = حفيـدكـم يـا مكــــرميـن العــــيالـي

اتلا العهــد به يوم شـــالوه مسدوح = ومــــوثقـن فـي محكمــات الحـبالـي

والحكم صادر والقضـــاء يحرق الروح = وحــــان الـــوعد مــا باقـي الا ليالـي

والله لـــو انه يوم الاحــداث مــذبوح = لنســاه واصـــبر عنه مـع ما جـــرالي

وأونتي ياخـــال من داخـــل الـــروح = ونت صــــويبـن طـــاح والجــو خـالـي

خلي العكفـــان الدنــاقير مطـتـروح = في موقعـن تسفـى عليـه الرمالـي

والعــــذر مـــا ينفع ولاينفــع النــوح = ان كـــان خــالي ضـاع فيه المجالـي

والخاتمه يا اولاد ســالم ومســروح = ذبحــــه بــــناخيكـم عليكـــم وبالـي

واصــل القضـيه لعب ورعـان ومزوح = ومـــا قـــدر الله مــا عليـه احـتيالـي

ومصـــائب الدنيا تجـــي يـوم وتروح = ولـــوعـــاتهـا تـــدور دور المحـــالـي

والعفــــو ما بين الاجـــاويد ممدوح = ليــا عفــــا عـن الحمــــول الثقــالـي

والصــبر باب لاهـل الخــير مفــتوح = والله يحــــب المحسنيـن الـــرجالـي

من يفعل المعروف والبال مشروح = جـــزاه عنـــد الله عـــزيـز الجـــلالـي

هـــذا وصلـوا عـــد بـــراق يلــوح .= على النبــــي أعــــداد وبل الخــيالي

ودمتم بود .....

[glint]&&&

إخواني الشعراء واخواتي الشاعرات مشاركاتنا
في هذا القسم بالقصائد والخواطر
تضفي عليه النور[/glint]

http://www.uaemusics.com/uploood/ima...vepn1yryjh.gif

انا ابدوي ثوبي على المتن مشقوق
مــثل الجـبال السـمر صبري ثـباتي

http://vb.ma7room.com/uploaded/71109_01255254879.jpg

& الودعاني عاشق الريان &