|
رحلة مع أبناء العم لشعيب بقر والرحبة والدهناء الحمد لله والصلاة والسلام على رسول الله بداية هذه الرحلة كانت عصر الأربعاء 20 محرم 1431 هـ في مزرعة العم شمال الأرطاوية ... أمسينا بها مع أبناء العم ليلة الخميس في أمسية ولا أروع .. صلينا فجر الخميس وحركنا من المزرعة قبل ما يطلعون المصلين من صلاة الفجر... ما شاء الله معنا شقرديتن عجلين !!! توقف الموكب بالكامل قبل الخروج من المزرعة لأجل!! لزم العم الا ياخذه معه جزاه الله خير ثم لشعيب النخيل القريب من الأرطاوية وكان إفطارنا فيه لحظة الاجتماع مع قهوة الصباح يالله جمعة الجنة يا محلا الفنجال مع سيحة البال في مجلس ما فيه نفسن ثقيلة هذا ولد عم وهذا ولد خال وهذا رفيق ما ندور مثيلـــه حياكم الله تفضلوايا هلا والله و ألف مرحبا أنا اشهد أنها كيف دنـيـت لي من غـالــي البن مـالاق بالكـف ناقـيها عن العـذف منســوق احـمـس ثـلاث يانديـمـي على ســاق ريحه على جـمر السمر يفضح السـوق وايـاك والنـيه وبالـك والاحــراق واصـحـى تصير بحمسة البن مطـفـوق الى اصفرّ لونه ثم بشّـت بالاعــراق صفراً كما الياقوت يطرب لها الموق مكان القهوة ما شاء الله أرض مسترملة ودعث وبين هالطليحات لقّـم بدلـةٍ مولّــع كـنها ســــاق مصـبوبةٍ مربـوبـةٍ تـقـل غـرنــوق خـله تفوح وراعي الكـيف يشـــتاق هـيلٍ ومـسـمارٍ بالاسـباب مسـحــوق صـبه كـفيت العـوق عن كل مخـلوق بفنجـال صـينٍ زاهـيٍ عـند الارمـاق الشاص وما أدراك ما الشاص !!! مجلس وحطب وعزبة ( قل ما شاء الله ) سبحان الله بن الغنم نابت فيه الشعير تناولنا إفطارنا صباح الخميس في ذاك الموقع الجميل بعدها توجهنا لشعيب بقر مدخل الوادي وبدايات الخير... بدى الشعيب يزدحم بالعالم وشفنا هالتحجير الله يذكر الحبلة بالخير |
| الساعة الآن 04:08 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir