|
الجوريه السلام عليكم سلام مني نفحته جوريه يسبق عواصيف السما الورديه للي قصيده مواكبن تياري وقمت اتنقاله على البغيه خصيت وافين العرب الاكرامي لي بالمراجل سمتهم ماريه وافين يدرون الشرف واركونه مبداهم السامي على الطيبيه غنيت موالي واجر الحوني ابغي الفنون المبعده الشرقيه دانة غزر في داخلي تتلاظى قدها شهر واهيه على النحويه مالت على غصن الطرب واتاكت للدرسعي تبغي مزامل حيه يتني تناثر قلت بطرسهـــا من كل دانات الكره الارظيه المحمل امحمل قماشن غالي مخصوص لشاعر فهيم الحيه اليعربي دارت رحاه ودفت ومطحونها ما يابه له ربيه والعقربي زاغى بروق الوسمي لاكن مايسري على ليليه والريح هبت من جنوب وساقت خيراتها وتباشرو الاهليه وان صلبت كوس الهوى ذنانه بانت نجومن ف السما مخفيه للشعر يالشاعر بنود ومرجع وانا قريت الشعر طيه ،، طيه فاهم مزاميري ولي يطربها واقايس المعنى على الشاليه كتبت ما ودي احد يفهمني غير الفهيم اللي له الرديه لا ما شمت قولي على واحدكم حشى وكلا مالكم حلفيه نسجتها في واحدن فاهمني طارح وماخذ ناتج الجبريه والحين فكري طلبته وشرغاته مالت على محبوبتي الروحيه يافاتنن ياسالبن تفكيري في داخلي موجاتك الطوليه يالغالي اللي سالبني ودك لك ف الظماير منزلن به فيه سلام لك يا تاج راس العفه سلام لك من خاطر به ليه داير ع بالي يالحبيب الغالي ويفداك عمري وكل حالي افديه ارخص لك الغالي ولك تستاهل يا بو عيونن ناعسه سحريه مشتاق لك ياقايد الغزلاني وافرح ترا قد حان وقت الييه وعن لهفتن بين الظلوع اتعوجك كلها ايام وحيتك مقظيه لا تفتكر يا سيدي يا روحي دام المحبه بالذهب مطليه استسمحك واستسمح العرباني وارجو السموحه والعذر عذريه تمت وصلو ع النبي محمد نبينا وخاتمهم الرسليــــــــــه سعيد الكتبي |
وعليك السلام ورحمة الله وبركاته صح السانك وبنتظار يديدك ويعطيك العافيه |
" " وعليكم السلام ورحمة الله وبركاته الشآعر الكبير والرآآئع بن حمرور سلامي عليك وربي غرآآم الصرآحه صح لسآنك على ذي القصيده الغآويه ومآ اييبهآ الا بن حمرور نفسه ماشاءالله عليك ابدعت كلمآت بدووويه رآآآئعه.. يبتهآ صح ابدعت فآجدت فاصبت..~ لا هنت يآ خويه على ذي الاحسآس الرآئع لك مني يزيل الشكر والاحترآم.. لا تحرمنآ من هالزين لأننآ متعطشين لهالقصآيد الغاآويه ربي يعطيك العافيهـ وعسآك ع القووه..~ تقبل مروري المتوآضع عند احسآسك العذب..~ |
كتبت ما ودي احد يفهمني غير الفهيم اللي له الرديه :) قريت وأبيات الشعر تلهمني وفاهم المضمون وأحلام ورديه صح لسانك ولاهنت يالشاعر أبدعت صراحه ومافيك حيله وني صراحه من متابعينك من 2007 حتى الآن صراحه ككككآك وأغلب قصايدك صراحه تستفز احساسي بالشعر لرد عليها لكن احم ني وين وانت وين فرق شاسع لووول ماشاءالله عليك ياخويه بالتوفيق لك وفي انتظار القادم الصراحه الاستراحه تحتاج لك ولأمثالك من الشعار المتميزين والسموحه علي القصور تستحق أكثر من تقييم صراحه :) دمت بحفظ الباري. |
تسلم خيوو عالقصيده الحلوووه يعطيك الف عافيه نرقب كل new منك ربي لاهانك }~ |
| الساعة الآن 02:01 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir